[عربي أصيل]

الله يعوض عليك يا بعدي بقدور أزين منهن
واحتسب فيهن وحتى لو هم اجحدوك إن شاء الله فيهم أجر ..
ولا يكبر الشيطان لك السالفة تراها إن شاء الله بسيطة .. واصل في هذا العمل ولا تنقطع فأنت مأجور .. وأن تركته لا شك أنك سوف ترضي الشيطان .. والعمالة ما هي واحد فيهم الطيب الوفي الذي لا ينكر المعروف وفيهم الردي .. ولا يمنع أن تطعم غير مسلمين فكل كبد رطبه أجر ..

ولعلي أضرب لك مثال على العمالة بأنهم ليسوا سواء ..
عندي عمارة تعمر جنب بيتي وفيها بنقلاديشي حارس فيها .. عاد في رمضان قلت فرصه أفطره واسحره كل شهر رمضان ما يكلف شي .. والله الجودي مجرد ما أتصل عليه بالجوال يجي ياخذ الفطور والا السحور من عند الباب ولا خلص أكله يرجعهم مغسولات ومنظفات حيل .. والحقيقة الرجل طيب ويستاهل ..
بس حبيت أوضح لك أنه فيه الزين والشين لكن واصل بفعل الخير وأنت إن شاء الله بخير ...
أخوك : عربي أصيل ..