شف ياخلفهم أنت أن بقولك بعض اللي درسته واعرفه
بكترياء كولاي اللي مسببتن رعب باوربا مصدره مياه مجاري مسقين الخضره به
همن أعلامنا الغبي متكتمن على الموضوع وكأنهم مايعرفون مصدره
حتى لايقولون المانيا تسقي الخضار مياه مجاري وتخسر سوقه
همن هم هالألمان أذكياء قالوا نقول ماندري من وين مصدرهـ لأاجل تهون المصيبة شوي
ايكولاي هذي موجود بالقوقون وتسمى بكتيرياء القولون طبيعية بجسمك
تخرج مع البراز الله يكرمك وأذا جاء الأكل براز رجعت للمعدة وتصير خطيرن لأنه جت المعدة
يعني سبحان الله هي فيك بس بالقولون وماتضر لاكن لاطلعت منك وأكلت أكل ملوث ورجعت المعدة تدمر المعدة
وهذي لاصار يسقون الخضار بمياه صرف صحي تجيك
في الحقيقه أشكر الأستاذ البواردي اللي شرحه لنا باحد الماحضرات بكلية العذاء والبيئة
ولا كان أنا بعد للحين ماشيتن لعبتهم علي وأقول من وين جت
طبعا هو تحليل شخصي من يوم أقول خدعه من الألمان أنهم مايبون الفضيحة لهم
لأان هناك مجلس الأتحاد الأوربي يعاقب والدعوه ماهيب سهله مثلنا به عقوبات
أما هنا فـ انا بقولك شيء
مزارعنا اللي ماسكينه الله يخلف علينا عمالة ويعطي السعودي اجار المزرعه
أفغان وبنقالية ومدري من
درسنا بكلية الغذاء والبيئة مادة مكافحات أفات عند الجطيلي الله يذكره بالخير
عرفنا شلون المبيدات خطيرة على الأنسان وحنا ناكله كل يوم بالخضره
لذالك فلان يتشكى من معدته ويدور علاج والمملكة كل يوم يصابون 10 بالسرطان وتعتبر من
الدولة المتقدمة بالأصابة بالسرطان بسبب الجهل
اأنا أقولك نظام العمالة شلون بالمزاع اللي ماسكينه
يجيك ويستأجر مزرعه همن عشان الحشرات لاتاكل الخضروات وتفسده لازم يرشه بمبيد
يروح لمحلات المبيدات ويقول أبي مبيد يجيب العامل مبيدات ويقول ذا بـ 20 وذا بـ 200
وش الفرق الفرق أن ابو 20 يجلس فترة تحريمه 10 أيام أو 14 يوم
يعني السم مايروح الا بعد 10 أيام أو أكثر
وابو 200 لا يروح بعد يومين
العامل يبي يكسب أكيد وحط نفسك بمكانه ولاضمه ولاضمير وبديرتن ماهيب ديرتك
تبي تاخذ ابو 20 وتقول خلهم يولون أهم شيء جمع فلوس
أنت تحط المبيد على الخضره همن يجلس يومين أو ثلاثه ايام ولازم تقطف الخضره او تفسد عليك
طيب وفترة التحريم للمبيد مابعد أنتهت ... لو أنتظرته لين تخلص تفسد وتخسر
تحمله بصناديق وعلى سوق الخضره ببريدة لاحسيب ولا رقيب ولاخوفن من الله ولا شيء
همن تعال أنت وأشتره بكم سطل الخيار خمسة ريال يالله حطوه بالصندوق
همن رح لبيتكم وكل وتشك من معدتك او بعد فتره لا قدر الله سرطان وأمراض مايندرى وش هي
أو يسقون الخضره بمياه صرف صحي
يذكر ايام السليم بالخير درسنا مادة أسمها مخلفات بالكلية وررحنا للصرف الصحي عند الفروسية
وشلون يعالجون مياه الصرف الصحي معالجة ثلاثية بس ويبقى العناصر الثثقيله العن شيء
همن يسقونه الأثيل حق المنتزهات ولاحسيب ولارقيب ويمكن تروح للمزارع بعد ويسقونه محصولهم وهي به عناصر ثقيله معروفه العناصر الثقيلة وشلون تتراكم بجسم الأنسان وتدمره
خلها على ربك بس
أنت تدري حللو مره خضره ببريدة يقولون أنه نسبة المبيد يالخضره 300%
ماهو 100% لا يحلفون أنه 300% يوم حللوه
بسبب ان الأفغاني والبنقالي اللس ماسكن المرزعه جايبن لك مبيد رخيض وجاب الخضره قبل يروح السم
أعتذر للكلام الطويل
بس حبيت انكم تكونون بالصوره وتعرفون وش السالفة باختصار
