[** حَـنيـنُ الأُخـوَّة **]

اقتباس المشاركة الأساسية كتبها هندالقصيم السلام عليكم الله يتمم عليكم يارب ويرزقنا واياكم الذريه الصالحه بنات مين فيه احد مسوي عملية ربط لعنق الرحم في الولاده او الوفاء ايش رايكم فيه عند اي دكتور العمليه والمتابعه .. لانه انا سبق لي ولاده مبكره مرتين وقررو الاطباء في الحمل القادم ان شاءالله ربط واحب اعرف المستشفى الافضل والدكتوره ... والله يعطيكم العافيه ..

و عليكم السلااااااام ورحمة الله و بركاته

هلا وغلا بهند القصيم

ماشاء الله الف الف مبروووووووك الحمل ربي يتمم لك على خير ياااااارب و تبشرينا بأحلى مولود ياارب ..
بقولك تجربتي ..

انا كشفت عن حاجتي للربط عند د. انصاف في الحبيب .. وما استعجلت عليّ .. مع اني قايله لها ابيك انتي تسوينها .. تمهلت وسوت لي مرتين اشاعات بعدها عشان تشوف انا احتاجها او لا .

و الحمدلله صار وضعي كويس يارب لك الحمد ... و ما احتجت ربط .. وهي شجعتني وقالت لي مادام ماتحتاجينها ليش تسوينها احتياط وهي لها اضرار جانبية ... لأني كنت خايفة على حملي و بغيت اربط احتياط ..
انا اعجبتني د. انصاف انها ما استعجلت او كان همها المادة ...بالعكس تمهلت و كررت الكشف عشان تتابع وضعي .. الله يجزاها خير .. و يثبت حملي على خير ..


و عموما عملية الربط سهلة ان شاء الله .. لكن استخيري وين بتسوينها .. و ربي بيدلك للمكان المناسب ...
وطمنين عليك ..



دعواتكم حبيباتي .. ربي يتمم للجميع على خير .