[مدحت شوقي بريده]

ابو القعقااااااااااع ..
ياحبيلك بعد ..
ماأعتقده ان المكان اللي انت فيه يفرض عليك لهجته ..
يعني انت مدرس بنجران أوبالجنوب او بالحجاز لو تحتسي من هالحين الين باتسر بلهجة بريدة كان مافهموك ..
أما ولو تتكلم بلهجتك البريداويه بالرياض او شمال المملكة اكيد تبي تفهم .. لأنه قريبه لهم ..

بعدين يالبي بالريااض مئات الألوف من البريداويه ومازالوا محتفظين بلهجتهم الرائعة والجميلة ..
خاصة ( بوه ) هذا موت ..

يالبي البلشة اذا شفت بريداوي مامعه سادسة ويحتسي انقليزي ..
اوكي وبااااااي .. ويمغطهن مغط ..
ودك تلفعه .. والا تلزخه بزبيريه همن يطلع اللعان ويطلع على حقيقته ..

مشكور يالبي يابو القاع ..