[مستحيل اجرح]

السلام عليكم

بعض الناس شكله وظاهره مطوع

بس تعامله وتصرفاته لك عليها شوي

والمشكله تلقى الناس تثق فيه من شكله وهذه المشكله الكبيره والخطره لان مو كل ما يلمع ذهب
بعضهم تنك مصدي

تلقاه ثوبه لنصف الساق واخر من يجي لصلاه خاصه يوم الجمعه
حاط بفمه المسواك وينطنط في خلق الله بين الصفوف يبي يجلس قدام


تلقاه اغلب وقته مع ربعه سفر وكشتتات وطلعات ومطاعم خاصه مطاعم الرز البخاري
واذا اهله احتاجوا شي قال مشغوووول او على موعد او مرتبط وكلها على الفاضي

تلقاه ما يهتم في اهله ومطنشهم ومقصر في حقوقهم ومنشغل عنهم في اشياء مالها فايده

تلقاه ما يحترم قواعد المرور ونظامه ولا يحترم من يشاركه الطريق ودائما يقف في الموقف الخاطيء خاصه عند المساجد وعادي يسد على شخص ويعطله ولا يهمه

تلقاه مزوج بوحده وثنتين وثلاث والرابعه مسيار متحركه متغيره ومتبدله والناس تثق فيه لانه متلحي وثوبه قصير

تلقاه يحقر عباد الله ويرى نفسه فوق الكل وعليه من الذنوب اكثر من غيره بس يحسب المظهر هو الي يحاسب عليه العبد مو المخبر

تلقاه في الاسواق يتفرج على خلق الله والغريبه تلقى زوجته عليها نقاب واسع ولا يمنعها او ينصحها


بصراحه وش رأيكم في هذي الاشكال اللي فاهمين الدين غلط يحسبونه شكل وظاهر مو عبادة ايمانية ونيه صادقه وقول وفعل
ويجب ان نعري ها الاشكال بالمجتمع ولا نقيم لهم وزن ولا تقدير ونتعامل معهم بما يستحقون