[بدر الشايع]

اقتباس ذيبان : اسمع الكلام اللي عليه العلم .. أي واحد (((( حمار ))) من بريدة يساند المنكر أو يدعم السلق الحفيانة لا بد من فضحه ,,

أعلمك أن لسانك هاجن بك أنت اليوم .....

وش هالألفاظ ....

وبعدين ياخوي وش دخل العييري بارك وإلا فلان وعلان تدخلهم بالسالفة !!!!

بيني وبينك ......

لا ألوم بعض العاصين في بعض الأحيان إن زادوا في ظلالهم وخطأهم , إذا كان من يحدثهم شخص بألفاظ وتفكير مثا ذا التفكير .....

ياناس ليش تنفرون الشباب والعالم بهالطريقة العوجاء ؟!!

النصح مراحل وخطوات .....

مهب علطول نطب بالشخص تفضيح ونشر صور ومعلومات !!!
====

اقتباس ولكني آثرت (الانثبار) وبلعت حزني على حال قومي وقلت لو تكلمت بما ارى لقطعني الطبالون اربا

يعني يا إنك تسكت عن الخطأ وتمشي الموضوع ...
أو تشنع وتعيد الصور اللي أنت تراه غلط !!!!

مافيه حل وسط بالموضوع !!!!

صلوات الله عليك يارسولنا الحكيم , فياليت قومي يعلمون

وماقصة الشاب الذي جاء إلى النبي الكريم يطلب منه الإذن بالزنا ببعيد ,, فما كان رد الرسول عليه , هل شنع باسمه أمام القوم , أو قام أمام الأمة ينصح عن الزنا وذكر أسم الشاب !!!

ولكم في رسول الله قدوة حسنة .....

اقتباس ولم اكن بشجاعة ظامي الذي حاول ...اقول حاول ان يعلق الجرس فسقط قتيلا بسلاح الحذف يال ظامي فهو اشجع مني......

أي شجاعة يرحم لي والديك ....
وين حنا به , بحرب يالأخو ؟؟؟

لا يطلع لي واحد الحين يقول أنت علماني بعد .!

موضوعنا واضح وضوح الشمس في عز النهار ..

حما نتكلم عن طريقة النصح ( مانبي شي اسمه تشهير )

يعني قضت الحلول والطرق مابقي حل إلا أن ( أعيد ) النشر ؟؟

اقتباس وان كان ظامي قد اخطأ في الاسلوب فقد اخطأت في الموضوع برمته ...وفي حذف كل موضوع ظامي وليس الصورة فقط.....

إذا كنت أنا مخطئ برأيك , لماذا لا ترسل لي على الخاص !!!

أو ( يهناكم ) يقولون الناس انكم تنصحون أمام الملأ !

ومن قال لك يالحبيب أن حاذفن الموضوع !!
والله مادريت أنه محذوف

الحين منهو اللي يرجم بالغيب أنا وإلا أنت ؟؟

يوم أنك تقول لي ( وفي حذف كل موضوع ظامي وليس الصورة فقط )

اقتباس ولا تزال مخطئا في استعراض خصوصيات محبي الطهبلة في منتدى حريٌ به ان يكون ساحة رأي عام

عيب عليك تتكلم بكلام أكبر منك !

أولاً من أوكلك تتكلم عن الرجال ؟
وبعدين لا تتكلم عن شخص وهو غائب ( أو هذي طريقة جديدة بالنصح اسمه ( النصح بالغيبة ) )
وإذا ما أعجبك الموضوع , ما أحدن حلف عليك تقرأ الموضوع او ترد عليه !

اقتباس انتبه ياذيبان انت في بريدة حيث لا يسكت الناس على مالا يعجبهم

في بريدة رجال يعرفون كيف تكون النصيحة وكيف يكون الأسلوب ...

هدى الله الجميع للطرق الصحيحة في النصح وتجنب التشهير

قبل الختام ::
أحب أضيف سالفة المدخن مع عالمنا الرباني ( عبدالعزيز بن باز ) رحمة الله عليه , عندما أتى له شخص مدخن فلم يفضحه أمام القوم , طلب منه أن يقترب منه فهمس بإذنه همساً وهذه نصيحته ....

أسألكم بالله وش تتوقعون ردة فعل المدخن لو قام الشيخ وفضّح به قدام الجماعة, وش تتوقعون المدخن بيسوي ؟؟؟!!!

لكم كل الود ....

وأسقى الله عطاشى الحكمة والموعظة الحسنة حتى يرووا ( ظمأهم )

هدانا الله لطريق الحكمة والهدى