[.. سرب الحمام ..]

خخخخخخخخخخخخخخخخخخخخخخ
مهرجآن فااااااااشل

مافيه أي فعالية (( مدري عن حق الرجال اللي بحي الأمن ))
ألعاب الأطفال نفسه كل سنة ,, ومافيه مسابقات للأطفال إلا كل 3 أو 4 أيام مره

ماحذا ازعجونا بأناشيد مثل وجيهم ومن سنة طشي وامطري بس يعيدون ويزيدون .. ويحطون أناشيد حامد الضبعان حقات البر !!

والنعم بحامد الضبعان وأنا من أشد المتابعين له بس وش خل البر بالمهرجان ؟؟
والمشكلة إنه صييف ولا في مجال للكشتات << محششين

وحاطين حيلهم بحقين بطاطس الكريسبي والذرة وحقين جرابات الجوال الحمدلله والشكر << حتى المطاعم مثل وجيههم !!

وتجي الخيمة عاد فوضى وحر ونفس بضاعة العام نسخ لصق ,,, ودليل عدم الإهتمام بالمهرجان إن أرض الخيمة كله تعرجات ماختاروا مكان مناسب بس همهم يلطون هالخيمة بأي مكان .. وتكفوون لارحتوا شوفوا المكيفات تقل بجنوب افريقيا شكلهن مقزز وصوتهن تقل تريله

وإلا عاد ملتقى النواعم << إمحق ملتقى

حاطين عجوز تجيب المر بس تخربط تقل تسولف على عجزان مثله والأرض كلله حفر أشد من الخيمة

بس أزين مابالملتقى محل كول دوناتس بسس


ودليل الإهمال سلال النفايات تكاد تنعدم ,, ورجال البلدية مايلحقوون

والرعاة المشاركون وش مشاركين به ؟؟؟
ماشفنا إلا موبايلي يسوي دعايات وليتل سيزر فتح كشك << غير جو الكريسبي والذره

والرعاة البقية وجودهم كعدمهم
ودي ادري المدح اللي بالجرايد منين يولفوونه ؟؟؟!!!!!!!!!!!!
حتى الثيل يابس الحمدلله والشكر

المهرجان يحتاج إلا التجديد من طق طق للسلام عليكم
بس تدرون وش استفدت منه ؟؟
1- إني واعدت صديقتي ..
2- تصدقت على هالعمال يحول يرحمون ..


<< اعذروني على الإطناب

اي صح تراهم مانعين التغطية عشان ماتطلع الفضايح < هوع