بسم الله الرحمن الرحيم
اعذرون بحتسي بالعامية
الصراحه بديت افكر بحياة الحين وحياة قبل 15 سنة
قبل 15 سنة احسن ولا الفرق
يعني قبل 15 سنة عندهم التقنيه بس صفاتهم احسن او التقنيه الزايدة ميهب عندهم
يعني عندهم سيارات وكهرب ومكيفات وكل شي
موهب يمشون على بعرين
بس زمنهم احسن ولا الفرق
قبل اذكر اذا اجتمعو البزارين حالهم يكون
لعب مليحق ولعب مغبا وسواليف وضحك
لكن قارن حالهم اليوم
كنا بعزيمة بالايام الماضية
جلست اناظر البزارين لقيتهم قسم كل واحد ماسك الايبود وناسي اللي حوله
ولا يلعبون مع بعض ولا شي
واذا لقيت اثنين مع بعض لقيتهم بجولاتهم
قلت ايه يوم حنا بزراين قسم اونس منكم
نجي للكبارين نفس الكلام اول سواليف ومزح وفله
الحين يسولفون بس مومثل اول
اللي بجواله واللي يقرا خبر توه جايه واللي يقول للثاني هذا البرنامج عندك
وقبل اذا قالو فيه طلعه او رحله او اجتماع تلقى كل اللي بالبيت فرحين ومتشوقين
اما الحين لسان حالهم يقول( ان رحنا خير وبركة واذا مارحنا نجلس على النت او غيره
)
يعني صار الواحد مايلذذ ولا يشتاق الروحات والجيات
لانه اذا ماراح عنده نت وعنده كل شي
قبل 15 تلفزيون وقناة وحده
قبل 15 سنه مكان منتشر النت مثل كذا
نجي للجيران بالسابق تواصل ويعرفون بعض
ويعزمون بعض والواحد لاسافر مايخاف على عياله لان جاره منتبه لهم بعد الله
بس الحين تصلح سيارك ويطلع جارك ويشوفك ولا يقولك تبي خدمه نعاونك شي
يالله قسم اول اذكر الجيران احسن من الاهل
الحين الواحد مايعرف الا شكل جاره ونوع سيارته
واذكر اول لاكشتنا وناسه وفله الحين كل واحد خامن جواله ولا بالمحمول
يازين حياة قبل
مابي قبل 100 سنة على بعارين ولا كهرب وشقى
لا ابي 15 سنه بس
ابيك تفكرون بحياة 15 سنة والحين تبي تلاحظون فرق كبير
يازين حياة قبل
اذكرك اذا صار فيه شي يسلينا سوني 1
حتى السفريات قبل بالخط سواليف وضحك
والحين كلن بجواله واللي بالمحمول
الحين يطلع معك الواحد وباله بالنت
اعذورن على لان موضوعي مابه تنسيق ولا شي
بس جلست افكر قبل بحالنا اكتشفت انه احسن مليون مرة
15 سنه بس مابي اكثر
كل الشكر