[برفسور ملتمس]

اقتباس مع الحمله يداً بيد ضد كل المنتجات لين ترجع للأسعار المعقوله التي نعرفها...

هذا بعد نايم - قم قم الله يصلحك صل - قصدي ترى ترجعت الأسعار كما كانت عليه - وبس مير هذي مقاطعتكم الله ياخذ شيطانك - أشوى اني ماصممت ولاتعبت عمري بهالحملات الفاشلة والي بدون هدف ..

اقتباس العقل نعمهـ

ياخي لو احط حرف ألف باسم [ مرعي ] طلعت [ مراعي ] - ياهوه ايش الدعاية هذي = لكن عاد يوم قسمك الله مشترك عشان هالموضوع وراك ماكتبت لك سطرين ولا ثلاثة - يعني ماشوف الا مشاركة وحدة حتى خطمت وتركت الترحيب والمواضيع الثانية وجيت تقول هالكلمتين الي لما يشوف ردك وعدد مشاركاتك وتجاهلك للمواضيع الثانية يقولها ويقصدها لك .. لول

اقتباس أنت منتب برفسور ولا شي الا فاضي مندجر أولا : بسبب المقاطعه حلت على الشركة خسائر هائله والدليل تراجعهم ثانيا : الشركة كبيره ولا تحتاج الى تسويق ثالثا : على طاري المنتجات الدنمركيه أرجو منك أنك ما تشكك في حب أحد للرسول صلى الله عليه وسلم والحمد لله الناس الي أعرفهم ولا واحد منهم يشتري المنتجات الدنمركيه وعلى قولت المثل " كلن يرى الناس بعين طبعه" رابعا : المقاطعه اذا كانت جاده تثمر ولها أثرها الكبير ويمكن ينزل سعر السلعه أكثر مما كان آحلى تحيه للي ردو وشكرا

والله ياحبيبي الموضوع ماهو تقييم [ لمعرفي ] انت برفسور انت مدري ايش - تراجعهم اذا كان المقصود بها الحملة ولكن وزارة التجارة ههه ولا انتم صرحت الشركة وقالت [ مادريت عنكم ] = ويمكن تقدم اعتذار عن قولة [ ماله داعي ] وباقي كم لبن وده تتخلص منه قبل نهاية الشهر ..،

ثانياً : ياحبيبي شركة الاتصالات من أكبر الشركات بالسوق ومع ذلك تدفع الملايين عشان تسوق وتدعم الاندية والدعايات - وشلون المراعي - الي له بديل أكثر من ست شركات ..،

ثالثا : لايستحال شخص أن يظن ويشكك في هذا الموضوع ولكن = أين الفعل = ودعك من الكلام = تروح يالي ماتستحي تقاطع [ ريال ] ومنتجات الدنمرك الي اسائت شفها قدامك = الا قاطع المحل كله الي يجيبها = ولما تسال لمحل تقوله ليش تجيبها يبي يقولك انت ماتبيها بس غيرك يبيها = طيب انت ياصاحب المحل وشو ديانتك مسلم انت انت قاطعها لانك مسلم لاتستوردها ..

رابعاً : ياويلي والله اني رحمت البعض مصدق عمره ان المقاطعة جابت نتيجة لاوبعد الحين كاشخين يقولون ترى حنا الي رجعنا المراعي ههههه .. وتلقى الي يقول كذا [ يدخـن ] والبكت الي معه مرتفع ثلاثه ويشريه ..