الله يجزاك خير اخوي
بس حنا مشكلتنا اننا دخلنا العادات بالدين
يعني امهاتنا تعودوا على عبايات الكتف خلاص صار غيره حرام حتى لو فيه فتوى تجيزه
غير كذا ما شاء الله الرجال كل شي يفتنهم لو يشوف عبايه معلقه بالمحل انفتن ليش لانه يخلي افكاره تتعمق ويجلس يتخيل وحده لابسته وتحته لابسه جنز او غيره وبعدين يجي يقول فتنه واتقوا الله
بعدين قالت الاخت فيري انه فيه مذاهب تجيز هالشيء وتحذره من النار
يعني نقول من هالمنطلق الشافعي فاسق ؟
والا اللي تبعوه كل هالمده بالنار علشان حنا نتبع ابن حنبل وخلاص الدين هو اللي نعرفه وبس وغيرنا عاصين
علما اني البس عبايه راس علشان ماتحسب اني ادافع عن شي انا امارسه
بعدين اخوي الكريم الاسلام خاتم الرسالات الى يوم الدين فمعناته انه صالح لكل زمان
ما في مانع اننا نغير من افكارنا ومعتقداتنا اللي ما هي باصول الدين او له نص صريح ماله اي تاويل