[بنت الشرقيه بدم بريده]

اخوي نايف 123



مو كل البنات كذا

انا عن نفسي ادخل المطبخ بس مو دائما
واذا الوالده الله يحفظها ويخليها لنا قالت لي سوي شي اسويه وينظبط من اول مره ومن دون مساعده الا اذا كان فيه مقاييس"مقادير" مثل الشريش لازم مقادير ولا بيصير ماء او شوربه على قوله اخوي او ثقيل"ناشف" والحمد لله ضبطته من اول مره والي اعرفه انه حساس وماينظبط من اول مره واذا كان فيه لحم مثل قرصان ومطازيز وكبسه ومن الشغلات الي فيها لحم اخلي الوالده تذوقه على اساس الملح وانه مظبوط والحمد لله ظبطتها كلها من اول مره وانا ما امدح نفسي والشاهد الله وليه امدح نفسي يعني اكذب والعب على نفسي وبعدها انا الي بتورط وبجلس فيها

واذا حست او شافت اني من زمان او طولت مادخلت تنلهن او تلمح لي او تقولي سوي كذا مثلا سوي اليوم او بكرى ارز وخضار او بكرى عليك الغداء او بكرى سوي معكرونه وصينيه خضار ومثل كذا

واعرف كذا وحد واشوفوهم بشريط قناه بدايه وانا مو من متابعينها ولا نفتحها بس الايام هذي قلت خلني احطها يمكن فيه برنامح حلو اتابعه وشفت العجب وانه فيه احد يزوج بناته او يزوج اولاده بنات مايعرون يطبخون وعادي ماشين معاهم والي تبغا وتحب او حابه تدخل المطبخ تعرف كيف ان شاء الله تسال اهم شي تطبخ وتحط سفره وتقدمها

وبالنت مايعرفون ويجلسون يكتبون انه احد يعلمهم كيف يطبخون او يبغون احد يعلمهم كذا طبخه

وبعدين من لها او له خلق يدخل المطبخ على اساس يطول والحين الاغلبيه مايحب ولا وده يدخل المطبخ و وده ينقال له امشي ساعه او اكثر ولا يدخل المطبخ مو سالفه عجز او ماله خلق بس جلست المطبخ وخاصه اذا كان بيطول الواحد مايحب ولا وده والود وده ياخذ الي يبغا ويطلع واذا اذا حده يصلح قهوه ويطلع

وبعدين المطبخ وخاصه الطبخ مو للبنت بس حتى لكم انتم يالشباب والرجال واعرف كثير ناس يحبون يطبخون ويطبخون كل فتره وفتره وكل اسبوع ويومين بعد"ويومين بالاسبوع"

ويكفي قدوتنا النبي صلى الله عليه وسلم كان يساعد اهله بـ كل شي
ومثل ماقال:
بما معنى
"كلكم خيركم لـ اهله وانا خيركم لـ اهلي"
وما اظن فيه قدوه واننا نقتدي بـ شخص احسن من النبي وناخذه قدوه لنا

والخدم ترى من واجبات الزوج على زوجته وبيته
واول ماكان عندهم خدم بس كان عندهم جاريات ويجيبونهم لبيتهم وصبيان"العبيد"

وانا مو من الي احب الخدم بالبيت بس اذا اضطريت مستقبلا وماشفت مساعده وتعاون واحد يقدر ويكون مو من النوع المتطلب ويبغا كل شي يجاب له واهو جالس كانه ضيف ولا بعد الضيوف وخاصه الحين اذا كان عندك ضيف او ضيوف تلقاهم قبلك ويسابقونك والضيفوف الحين الحمد لله يساعدون ويسابقون اهل البيت على الضيافه بس مو معناته انك تقول انت وغيرك فيه مساعده خلوهم يساعدونكم واحنا بنجلس لا
اساسا الضيوف مو ملـ زومين انهم يساعدون اهل البيت وانتم اسمهم ضيوف يعني يخدمون ويقدم لهم واهم جالسين بس انت مو ضيف وهذا بيتك يعني انت من اهل البيت وانت الي تساعد ومثلك مثل الضعيفه زوجتك ومثلك مثل بنتك ومثل خواتك وامك لابد تساعدهم بـ كل شي

فـ الفئه هذي والي مثل كذا اسمحوا لنا بنجيب ونقدم مو وحده 2 او 3 ومو لازم اندونوسيه فيه غيرها وياكثرهم ان شاء الله اجيب نيباليه"من النيبال" اقدم على مكتب والمكتب يجيب لي او هنديه او حتى حبشيه
والفلبينيات وان شاء الله برجعون يفتحون مكتبهم وانا مو من النوع الي احب واشجع على الاندونوسيات بالعكس ما احبهم ولا اواديهم واساسا ما ارتاحلهم
ويالله نلحق اذا ماشفنا مساعده وتعاون اواقل شي يحاول ما يكون اهو بعد يضغط ويتطلب"راعي طلبات ويقول ابغا كذا جيبوا كذا وغيروا مكان هذا وغيروا للجهه هذي" ويقوم يخدم نفسه

مولازم يطبخ او يساعد بالطبخ اقل شي يضف وينظف ويرتب وبيوت الحين مو مثل اول وتعرفون كيف بيوت اول عن بيوت الحين والي مايعرف يسال امه او جدته او احد كبير بالسن ويعلمه"ويقول له"
واي شي"والي" ياخذه يرجعه بـ مكانه ما انت بـ فندق او مو بـ بيتك عند ناس او بستراحتك او استراحه احد تعرفه او استراحه احد اخواك او زملائك او ببيت احد زملائك او اخوياك حتى الي بـ الفندق او مو بـ بيتهم يستحون ويرتبون وما يحوسون ويخدمون انفسهم اقل شي حركت شي من مكانه او حست او غيرت شي من مكانه رجعه قبل لا تقوم من المكان او جبت مثلا ماء الكاس توديه المطبخ سفن كولا بيبسي شربته وخلصت العلبه حطها بالزباله مو بالارض او بالطاوله ترى بيتك والمكان لك وانت بتجلس فيه مره ثانيه محد منظف بعدك
والي اصغر منك يا اخ الي عمره 2 و3 حتى الي عمره 6 اهو الي يرتب وينظف والي يحوسه يرتبه ويرجعه مكانه ويساعد واي شي يوسخه او كب شي يمسحه وينظفه طاح منه شي بالغلط على طول يشيله
ماتعرف عود نفسك من الحين"من اليوم" او بكره وبتتعود ويكفي الاجر الي بتاخذه

الرسول اللهم صلي وسلم عليه قال:
في ما معناه
اماطت الاذى عن الطريق صدقه
يعني اي شي فيه اذيه لغيرك او اي شي شفته قدامك شله مو عاد لك او انت الي تحطه"حاطه" بالارض وبالطريق





واسفه على الاطاله