[راعي النباطة]

آآخخخ والله صحيح دار التربية
بعذري هبلوبي الناس من كثر مايقولون لي ترى الشرطة يبي يمسكونك وانت معك النباطة ويبي يدخلونك دار الملاحظة . صرت بس اتنـ ـ ـ ـ ـ ـافض

على كل حال جبتلكم الخبر اليقين عن باب المسجد (المذكور) وذلك بعد أن قمت بتأبط نباطتي (أم جلدتين)وقمت بمسك احد جماعة المسجد وهددته بأني سوف ارصعه بنباطتي ان ماعلمن عن (المذكور)
ماقصر الأخ بعد ماوقف من الخوف وقال ابـ بـ ببشـ شـ شـ شررر
القصة ومافيها ان المسجد قبل ماينبني كانت أرضه تبع دار التربية (أقول التتتررببيية)_على شان مايطلع لي قناص الروس أو المتوهج_ وقاموا أهل الخيربطلب الأرض من المسؤلين لبناء مسجد وتمت الموافقة .
ويوم جو الله يسلمك يبنون المسجد طلعلهم واحد علَّه (الجارالمقابل للمسجد)
واعترض على بناء المسجد وحاولو به يالحبيب ياللبيب. وبالأخير الظاهر جابوها من فوق خشمه
المهم قام المسجد وصاروا الرجال يصلون بالدورالأرضي والنساء بالدور العلوي وباب النساء هو هذا الباب اللي أنت تسأل عنه . ومير الله يسلمك ينشب هالجار بهالباب مايبيه يصير مقابل بيته مع العلم ان بين بيته والمسجد شارع 20م . وهو ماهوب راعي صلاة بالمسجد إلا نادرا - إذا بغى يخبرش بالباب- المهم قام هالجار الله يصلحه وقفَّل الباب بمفتاح - هذا أول مرة ياr3d فهمت- قامو جماعة المسجد وفتحوا الباب.
ماسكت الجار البلشة قام شراء قفل وخرم الباب بالدريل وقفله بالقفل وكسر المفتاح بوسط القفل-هذي المرة الثانية ياr3d- يقاله على شان مايقدر أحد يفتحه -هذا لو انت بغير بريده يالحبيب- المهم قاموا الجماعة وقلعو الباب بكبره وسندوه داخل المسجد.
قام البلشه -هذي المرة الثالثة ياr3d- وركب الباب وقفله واخذ المفتاح , قاموا الحبايب قصدي الجماعة الله يحفظهم وقلعو الباب واخفو مداه عن البلشه.
آخر شيء قام البلشه-المرة الرابعة ياr3d- هاليومين(اهب مايمل والله لو اللي قدامه مرقص ماركض هالتركيض) وجاب عمال من الشارع وخلاهم يسكرون الباب ببلك واسميت !! بس والله ياهو ادوره القراده , شافه واحد من الجيران وهو واقف مع العمال يوجهم , قام واتصل بالجوازات وقال لهم فيه عمال غير نظاميين وعطاهم العنوان , جوك الجوازات - صاروخ - وضفوا العمال وضفوا البلشة معهم بعد ماخلوهم يهدمون البلك اللي بنوه.
وبعد هذا والله العظيـ ـ ـ ـم وقسـ ـ ـ م بالله وعساي امـ ـ ـ ـ ـ وت كل سنه أني مادري وش صار بعد سذا خلن أروح الله يدخلك الجنة. قلت لاتخاف ماني مسويبك شيء رح رح الله يسهل عليك .
قلت أنا (ياراعي النباطة)هذه خلاصة (قال خلاصة قال !!) القصةو القضية. واقول بعد جعلهم من الجوازات للسجن العام يــ ويكسرون. أغديه يعقل ويطلع من راسه هالخبال