يا حوبيلكم بس
المشكله اني من النوع الحريص و ما امسك شي الا و ما اخليه
لين ما يضبط في اشياء صعبه ممكن اسويها بكل سهوله
الا الطبخ الوحيد اللي ما يضبط
انا كم مره اسوي حلويات سهله بس تطلع غلط احيان الطعم حلو بس الشكل لا تعليق
الرز طعمه و شكله غريب هو حلو بس غلط كأني اكل اسفنج
و ما يضبط معي الا الرز الابيض ساده لو احط عليه اي شي يخرب و ينكب
العجين مره سويتها و ما عاد عدتها
و صرت اجيب عجين السنبله المربعات الصغار
احاول اسويها نفس طريقة امي بس مافي فايده
الوحيد اللي اسويه و طعم صدور دجاج مره بالفرن و احيان مع الخضار
مره اسويها بالتورتيلا و مره بالساندوتش ...
و المكرونه شاطره فيها بس زوجي ما يحب المكرونه
انا احتاج ( نفس ) بالطبخ ليتهم يبيعونه و الله اشتريه بأي سعر
ما احتاج كتب بعد النت ... دايم اختار وصفات سهله و مصوره بالخطوات
بس ما ادري ليش ما تضبط معايا
و ترى انا ذكيه و لماحه و افهم الموضوع حتى قبل ما الواحد يكمل
مو من النوع اللي احتاج شرح طويل
بس سبحان الله المطبخ ما عندك احد ابد ... لا دخلته احس نفسي غبيه
ادعولي ان الله يوفقني