[وطني فخور]

وما في المحل ارجال وانتي ما عندك ارجال تتصلين فيهم
لا يمكن السكوت عن هذا المنطق
وأنا بحاول اتفرغ وأروح واخذ منهم شراب ولا انا محاسب والله لو يقول سدد ونصادرها لأجعلنها عليهم يوما اسودا اذا هم يدورون الطقاق انا بدور الطقاق وبحول الموضوع للمحاكم ووزارة التجاره وأطالب بإقفال محالهم حتى تنفك القضيه او يعوضوني 100الف ريال بدل سمعه وتقمص للقضاء حيث جعلوا انفسهم دولة لها قضاتها ولها منفذو الحكم ايش الكلام هذا لن أسمح حتى ترفع قضيتهم لديوان المضالم والإماره ووزارة التجارة وحتى يعرف الجميع انا في دولة لها نظام عام وليس لكل شخص ان يفرض ما يريد على من يريد
يعني لو اخذو البنطلون وكفايه كان عادي لكن يفرض قيمه زياده من خوله بذالك وأي نظام سمح له بهذا الإجراء اذا لماذ وضعت المحاكم المستعجله الا لهذا
طيب لو ما سددتي يعني وش يبي يصير لنفرض خلصت افلوسك لا يصيرون حاطين غرفة توقيف ترا مابقي الا هي
والله لو انا فاضي لأمرجلهم لو بعشرة تريل اولاه بس مافيه ارجال
(هذا ان صحت القصة والمحل مفتوح لجميع المشككين بالإمكان ياخذ بضاعه ولا يحاسبها ويسوي نفسه ما دري ويجرب)وانا ان ساقني القدر لهذا المحل فبسويها وأجيب لكم الخبر اليقين
عموما ترا كثيرمن السكرتيه فيهم اشوي( فكريه) مثلهم مثل بعض بياعة الورقيات بسوق الخضرة ولا اقصد السخريه بهم انما لتعرفوا كيف تتعاملوا معهم (زملائي معلمي فكريه وهم أفدوني بأن أغلب من يتخرج منهم يتوضفوا سكرتيه وبياعة خضره)
ثم على أخواتنا الله يحفظهم انهم ما يدخلون في مشاجرات قد يفتعلها السكرتيه ولا اقصد هذا المحل بل في اي مكان لأن احدهم يشدد والآخر يظهر الرحمة ثم تتعلق الفتات بمن وقف معها ورجع حقها وقد يعرض عليها الفزعه والخدمه بأي وقت وهكذا تتطور العلاقه ثم جوال ثم يفيدك باخر ما نزل من بضاعه برسايل وأوقات التخفيضات ثم ...ولهذا يجب الحذر من مكر الماكرين وخطط الفاسقين اعيد انا لا اتهم احدا بعينه وانما تحذير للعموم
أمر آخر يا حريمنا عدوا الفلوس اذا أخذتوها من المحاسبين ترا اذا جتهم الحرمة قد ينقصون خصوصا مع الزحمات الله يحفظ المسلمين والمسلمات

(