اعرف بعض ناس
يقولن :
الله يعظم اجررررررررنا
والله ان بيوتنا تتعطل بشيء تافه فيش كهرب
او لمبة حرقه بمكان ضروري
او مكيف خربان (ينقلن من غرفة لغرفة) والله لو لهم المكيف كان بحزته زينوه
او طاحونه منكسرة يتعبرن يطحنن بنجر تقل بالعصر الحجري !!!
وبرادة تخرب يحتدن يثلجن ويرززن الترامس تقل بكشته
(معاناة حقيقيه صدق والله مو لعب كنت ما اصدق بالاول بس كم مرة اسمع عن هالناس يقولون لنا هالمعاناة)
ثم هالحريم يبلشن وكل ماشافن هالاخوان !! او ازواجهن او ابائهن قالن لهم زينوا -----
والرد منهم : يصير خير يصير خير او ان شاء الله هذا ان ما قالوا احمدن ربكن شوفن الصومال او السودان !!!
ويقعد الخراب لايام واسابيع و للشهور ..... الى متى ؟؟!!!
ولو الجيران يطقون يبون شيء او اخوياهم جت الفزعات وفتل العضلات والنخوه( خيرهم لغيرهم) !!!
ونسوا كلام ووصية الرسول عليه الصلاة والسلام ( أكمل المؤمنين إيمانا أحسنهم خلقا وخياركم خياركم لنسائهم)
و تحوم كبود الحريم من التشحذ والمنه وبالاخير يسكتن وينطمن
الصراحه المفروض عقب ماعرفنا من معاناة الكثير من الحريم :
يدخلن الحريم دورة سباكه وكهرباء بعد الثانويه اجباررري قبل الكليه
وسالفة تروح تشري الطلبات
اهون من انها تدخل هندي يصلح شيء بالبيت مرتزة بعباته !!
مساكين من جد بعض الحريم او اكثر الحريم (ليش) ؟؟!!!
اتحدى وحدة تفتح موضوع بمجلس حريم كبير الا تطلع القصص والعجب العجاب من اهمال الرجال لهن !!!!
الله فوقهم
آخر من قام بالتعديل ملح يذر; بتاريخ 20-08-2011 الساعة 07:42 AM.
|