[قـــصـــيـــة]

بما انك تقولين أعرف اخوي من عيونه إذا جايه كلام كذب من زوجته
فالمسألة بسيطة خوذي اخوك على جنب وقولي له .. لي كم يوم وأنا أشوفك متغيّر وبخاطرك كلام وعتب
وكلمة منا وكلمة مناك راح يقولك كل اللي نقلته زوجته سواء صدق أو كذب
وأنتي عليك تبررين موقفك وتثبتين انها كذابة بس حذاري من انك تخلينه يحقد على زوجته
وحتى لو كنتي عارفه انها شريرة! مثلًا قولي لاتزعل عليها يمكن فهمت غلط وقالت لك
بكذا مايصير حاجز بينك وبين أخوك ولا مشكله بينه وبين زوجته
ولاتنسين زوجته اجلسي معها جلسة مصارحة بدون حدة بالكلام وقولي أنتي تعرفين أخوي مايتكلم
لكن أنا عارفه انك تنقلين له كلام غير صحيح عنا
وأنا ماأودي أفتح هالموضوع مع أخوي علشان مايزعل عليك وتصير مشكلة بينكم
وحبيت يكون الموضوع بيني وبينك واسأليها ليش تسوين كذا حنا مضايقينك بشي حنا مخطين عليك ....الخ

وإن شاء الله تطلعون بنتيجة إيجابية : )


بالتوفيق وكان الله بعونك