[برفسور ملتمس]

اقتباس 1) هل تتعارض المهرجانات مع ديننا الحنيف ؟ تمسك العادات ليس ذنبنا نحن فهذه عادات قبيحه جداً ولا أصل لها في ديننا ولانريد أن نتعلق بها لقباحتها وسخفها وسماجتها

نعم تتعارض المهرجانات والسينماء والسبب أن سلبياته أكثر من ايجابياته ودرء المفاسد مقدم على جلب المصالح ، هههه بعدين يعني وشبرايك يبي يحطون سينماء مثلاً يبي يجيبون ( محاضرة عن الأخلاق ؟؟ ) وحتى لو صارت وهي مستحيل تصير لكن ماراح تنجح لأن المسجد واقامة المحاضرات الدينية وغير المخالفة فيه أفضل وأولى وأطهر ، وماسيقام عليه سوا أفلام الأكشن والرعب والرومنسية + شيبس + ووو ..!

بخصوص العادات والتقاليد نعم كل منطقة لها عاداتها وعادات جدة تختلف عن نجد ههه وعادات الجنوب تختلف عن الشمال ، وبدلاً من أن نتشرف بها انا الآن أراك تتذمر ..!

اقتباس ) الوقت يتسارع عزيزي ولو نزل السينما لنزل على الكل تقريباً ونتمنى أن نكون من الآوائل بأمور تخدم ديننا ودنيانا

ياخي ههههه الي يشوف ردودك يقول هذا ( متكي بمجلس الشورى 24 ساعة ) وانت بصراحة جالس توقع ، اولاً بما أن اسلوبك تأكيدي أنا أؤكد لك الآن أن السعودية ماراح تقيم سينما < سهلة أجلس أبني كلام من غير اثباتات ، واذا بتقولي ( أثبت أنه ماراح تقيم أنا بقولك أثبت أنه راح تقيم = بمصادر قوية ) ..!

اقتباس نرى كل سكان جده لايذهبون للشرقية وأهل الشرقية في امكانهم

إلا جدة يروحون للشرقية عشان يطلعون للبحرين هههه ، والشرقية يجون للحجاز عشان مكة ويطلعون لجدة للأسواق ، والقصمان يروحون لحايل ويخيمون ، وحايل يطلعون للشمال ، وبريدة تروح لعنيزة ووووو ..!

اقتباس وأهل دبي وغيرها لايسافرون للبحث عن هالأمور .. لأنها قريبة منهم

ألا أهل دبي متضررين من الأجانب + والارتفاعات الي عندهم ، لأن دبي مو زي السعودية عندها حرمين أو أجواء خلابة فتحب تستثمر وتجذب السياح بأي طريقة ، لكن سلم لي على الشارقة شي وهادية ..!

اقتباس لكن قل عندنا في بريدة فقط .. نعم أجي معك .. ولكن إذا وضعنا بشكل جميل وتحقق كل شي في المهرجان .. لما وجدنا من يخرج منها

الا يبي يخرجون وأنا أعرف ناس كثير اذا اقيمت مبارة ببريدة مايحضرونها بس تقام بالرياض يروحون مع العلم أنه ملعب والسبب : مانبي نشوف بعض+ الأسواق بعضهم يطلع لعنيزة مو ميزة بس تغيير + بياخذ راحته من سلام وكيف الحال ..!

اقتباس بريدة ستصل إلى مرحلة (الإنفجار) فالمتمسك بهذه العادات هم ناس بسيطين وكبار بالسن .. مرحلة بسيط وسياكلهم الدود .. وستجد بريدة ستنفجر على أشدها .. وبيننا أقل من 10 سنوات وسترى

اسلوبك أسلوب تأكيد وكأنك تعلم الغيب [ عن عددهم والأنفجار القريب و و و و ] .. !

عزيزي حدث العاقل بما لايعقل فان صدقك فلاعقل له .. هالعادات الي تشوفها سلبية ، هي الي وصلت القصمان لمناصب ماوصلوها الشرق والغرب والشمال والجنوب من المملكة ..!

عموماً ..

السينما والمهرجانات وجودها مؤثرة اقتصادياً واجتماعياً ، نعم في بريدة يوجد سلبيات كثيرة ولكن يوجد ايجابيات وهي الوريث المتبقي في نجد ..!

ملاحظة : يكفي عادات هذا المنتدى المحافظه والتي سبق وأن قلت أنها أسس والذي لو وضع بمدينة أخرى بهذا الزمن غير بريدة لما نجح ..!