[C R Λ S H]

اقول اعقل انت وياو

وش فيها لا احتفلنا بالعيد قسم بالله طفشتونا ماهيب حالة

تخيل ليلة العيد قاعدين نجلي السيارات ونغبرهن امحق فرحة هههههههه
ويوم العيد سلام وقضى عيد الصبح وخذ نوم والعيد بالليل نفس الحكاية مافيه جديد

ثاني العيد من الشين هاجين لام حزم نشوف التطعيس علشان ما نحضر أجتماعات قلق واحباط ..

ومافيه جديد نفس الاجتماعات بالعايلة يعني اقاربي بتله اشوفهم

اللي يفرق بالموضوع هو الملابس الجديدة واول الكلام فقط !! والباقي مافيه جديد ابد ..

قسسسسسم بالله ما صار للعيد طعم بسبب تفكيركم العقيم جداً ..

ودي ادري وين الحرام بالموضوع !! خلو العالم تفرح تراكم حقتوها اكثر من اللازم

قسم بالله قلق يوم جيت اروح للمهرجان شفت الدعوة اناشيد امر اديور

نبي سرك واستعراض وحماس ومسابقات زي العالم والناس ..

بخصوص اللي يتكلم عن السينما

كنت سابقاً بالحلقة والمراكز الصيفية يحطون بروجكتر قدامنا وكل اسرة تعرض فلم تمثيلي اسلامي
تم تمثيله من قبل الطلاب وتكون رسالته هادفة ومن ثم يقيمون افضل عمل وهذي تحصل كثير بالمراكز والنوادي
الصيفية واعتقد شي جميل واستفدنا منه .. حيث يتم عرض رسالة هادفة بطريقة سلسلة وكوميدية محببة للبعض

والدليل ان الناس انبسطو كثير على مطبات اللي كانت تعرض بالمجد .. وش المانع تعرض زيها على طريقة سينما


المنخرش لا تتعب روحك وانا اخوك .. بريدة مدينة التناقض والتعقيد ..

وربي ودي اعيد بمدينة ثانية بس وش نسوي الاهل والاقارب كلهم هنا ..

الله يرحم الحال بس