سقيا (الرد 62 -63)
تشكرررراتي
على سبقك لي (وذلك لانشغالي) بالرد على السؤال المطروح وعلى توضيح عذر يطرق اذاننا كثيرا من هذه الفئة من النساء
والذي ان دل دل على غيرتك وحشمتك وحبك للخير
الله يجعله بموازين حسناتك ويوفقك
مجرد ذكرى (الرد 64)
حبيبتي
انتي وكل خواتك وبنات القصيم
اهلي وابي لكم الخير خاصة
وهالمنتدى منتدى قصيمي (بريده سيتي)
فليش احاكي غيركن او اعمم علطول احاكيك
(والي مابه خير مابه خير لاهله)
بداية مشوار(الرد65)
اعيد كلامي:
وليش مستغرب نغار هالغيره وما نصير جديين !!
ابغير بيديني ورجليني
عقب ما كانت الغيرة اساسية فسبحان الله عقب ما قلت الغيره عند الناس صار مستنكر علينا او على الي مثلنا وكاننا غبيات او ماله داعي نتحمس !!!
صدق
الحديث بمعناته
(القابض على دينه كالقابض على الجمر)
(وكما بدا الاسلام غريبا يعود غريبا) فالي ماسكين دينهم صح يصيرون غريبين وتصرفاتهم غريبه!
وفيه نقطه ذكرتيها :
ان الاحتشام ليس اساس الدين
هالكلام تقولينه للي ما يعرف ان الاحتشام من الدين فاهل القصيم يعرفون الدين صح صح
فمثلا
تجيك امريكيه او مثلا سعوديه من جده او من اقريح من شبت وهي طريقة لبسها كذا بناطيل ووو
وبنفس الوقت صاحبة صوم وقيام الليل ووو فتصير ان شاء الله الضاهر لنا انه احسن من بعض الي يتسترن من خلقتهن وهن ما يسون سواتها يتصدقن ويصومن ويصلن الليل والنهار
بكذا ينطبق كلامك
بس علينا لا
حنا القصمان من طلعنا متسترين وما بدينا نشوف التكشف الا تالي والي تكشفت عقب ماكانت متسترة بصغرها او باول شبابها وتربت على فتاوى حرمة البطلون والعباية ووو من المدرسه ومن كل مكان والحين تكشفت عقب ما هي تدري (ولا نقول متعوده على هاللبس) فهذا له دلالات
(وان قل الدين قل الحياء)
الله لا تنزع الحياء من قلوبنا ومن بناتنا
غيور على اخواتي (الرد66)
شكرا لابداء رايك
اميره (الرد67)
ردي عليك تجديه تحت ردي لبداية مشوار
وشكرا لك
مهزله (الرد 68)
تساؤول غيور
شكرا لك
نهوض امه (الرد69)
شكرا على فكاهتك البليغه
الرجم العالي (70)
اول عضو يبدي رأيه من ناحية الزواج !!
فقد اشرت بموضوعي
حتى يعتبرن من هن على نهج هذه الملابس الامعيه (ان لم يعتبرن من ناحية الدين)
انه البنت الي ماشية صح بادابها ودينها يبيها الصالح والطالح
فتشابكوا بصلب الموضوع ولا احد اشار من العضاء لهذه النقطه !!
لكن اقول :
فيه الكثير والكثير والكثير من هن عى اتزان وقوة شخصية واراده
فالله يرزقهن اللي يقدروهن ويعروفون وش كثر قوة شخصيتهن وايمانهن
وباقي رجججال(مب اجساد بس)
بناتهم متربيات عن قناعععععه ودين
بس لاحضت بالحوار كله وبالنقاشات كلها تقريبا
ان الرجال طالع مثل الشعرة من العجينه !!
وكل الحرام و العيب والغلط 100% على البنت 
ليش !؟؟
الرجال له دوره العضيم بهذه الضاهره واسقاطها
باللين وبالموعضه وعند اللزوم بالغصب
__________________
الاجمل ليس بأن اكتب
ولكن الاجمل فيما اكتب وفيما احمل من كلمات
|