السلام عليكم
ابي منكم فزعه تكفون الوالد الله يحفظه
كتب قصيده بجدتي الله يرحمه
وودي واحد ينشده
العين ماتبكي عدوه وترثاه
الاعلى الغالي تهل العباري
يالله عسى الجنه مقره ومثواه
جيرت شفيع الخلق نعم الجواري
ولوعتي من يوم شفته مسجاه
خطر على امشي مع الناس عاري
جيت القبور وشفت قبره وقبرناه
هذي منازلنا انا افهم وداري
ابكي حزين والحبيبه فقدناه
ومادبر المولى على العبد جاري
امشي وسج الرجل من غير مشهاه
في غبة الهاجوس مانيب داري
حيداٍ اعدي به وحيد اتعداه
لما توثق في طويل المذاري
غداي من مشت نحرها لهجناه
ولاشالتن دلت علي اداري
كم ليلتن بعد ي عن النوم جزاه
وتفز من نومه لجيت ساري
النفس عريه ترى الموت يقفاه
ايقن بموتك يابعيد المذاري