الصدز حووموا اتسبدنا ودك بقرب مامعك وتصكه بجبهته
,
ياخي الناس تطورت وذولا الواحد منهم رازن كشرتة وفارشن براطمه ولابسن البشت يعني شوفوني .
الله يكرم النعمه
ومن الزود الملح ماحشين خشمه بالفوتوشوب
ومسمكرين اشضافوه (خشته وماجاورها) وضايعتن ملامحه
وصايرن تقل نفود هابن عليه عجاج
والناس صاروا يقطعون الاشارة
عجزوا يتحملون المهزلة والتفاهه ,
ولا وازيدك من الشين بلله
يقولون نبي نسوي ونحط.. تقل يهرجون على بزران
الحين البلدية والامانة كله نطل بنطل وكلن ماشي على كيفه وهذولا المقلط البلدي واللي قلبهم وش سووا.
انتم يالمرشحين والمشرحين تكفون فكونا وكلن يضف وجهه ولاعمرنا نشوفكم بالشوارع
قاعدين بهالقوايل وبتالي الليل عند هالاشارات
ابا الهول على غفلة
عاد يقولون انه بوه وفد من استراليا
تخصصه اثار حجرية من العصر الخشبي
يبي يشوف التحف ذولا
ويمكن ياخذونهم معهم لدراسة علاقة بعارين استراليا بتلك النوعية خلال حقبة من الزمن الغابر
وابعلمكم وش يصير عقب العصر
للتواصل عقب الفاصل
واخيرا اذا معك بزارينك لاتمر من عند الاشارة لان الصور ماخوذه من فلم مرعب
واذا شافوهم ماهب نايمين ذيك الليلة
لاتقولون ماقلت لكم .
سلم لي على الوالده وقلها تسلم عليتس ام حمني .