[سعيده و بعيده]

أنا سألت زوجي كم تكلف على زواجنا

المهر 50000 ريال و شقه بالرياض 21000 ريال أثاث 50000 ريال و سياره 110000 ريال

أما شهر العسل كان في الشرقيه مدة أسبوع كلف 10000 ريال على حسب تقديره

و الزواج رجال على أهلي

طبعاً كل شيء في عرسي من أبوي الأستراحه و العشاء و البخور و الكروت كله منه و كلف تقريباً 20000 ريال



أما عن سؤالك أخي صاحب الموضوع

هو موجه لفئة الرجال و أنا اليوم سألت لك زوجي و جبت لك ميزانيته الشهريه

زوجي يوفر من راتبه شهرياً 5000 ريال يأخذها أول ما ينزل الراتب للحساب الأدخاري

لو يموت ما يصرف منها ريال واحد و صارله تقريباً خمس سنوات يجمع بهالطريقه

طبعاً يروح من راتبه 7000 ريال أقساط سيارتين و أرض و 5000 ريال يعطيني 2000 ريال و الباقي فواتير

جواله و جوالي و الكهرباء و الماء و التلفون و الأنترنت و راتب خدامه

و يعطي أميمته بس مدري كم على حسب مره 1000 و مره 1500 مو محدد لها

و الباقي مصاريف له و للبيت و العيال

و صار لنا ست أشهر نازلين بيت ملك أفتكينا من الأجار اللي كان 30000 ريال شقه في الدور الثاني

تحوم الكبد و تجيب التكه