[ميمون]

السلام عليكم ورحمة الله وبركاته..
حياك الله أخوي ليث الغاب..

بصراحة حصل موقف خلاني أفكر أكتب في نفس الموضوع لكن ما أراد الله ..
جاء فلان من الناس إلى زميلي فقال : شفت فلاااااااااااان خِرب!!!
قال : أفااااا ، وش فيه .. ( توقع يمكن تنصر والا بدا ما يصلي والا بدا يحشش أو يدخن ويشيش )
رد عليه الأبله : بدا يلبس عقال.. الله يهديه بس مدري من اللي خربه .
قال : وش فيها ؟؟ هبلتن ..
هذا نموذج وأعرفه تمام المعرفة .. وبصراحة كنت حاسبه شي لكن بعدها قلت : آن لأبي حنيفة أن يمد رجله ... مابالبشت أحد ..

آخر ..
حين يتكلم عن أحد من الناس يذكر على سبيل التنقص أنه يلبس عقال ..
ثم يقول أنا ما قلت بالعقال شي ..
طيب يا شاطر ليش ما تقول بعد إنه يلبس ثوب ؟؟
وقد ذكر مثل هذا أحدُ الإخوان في المنتدى عن أبي عبد الملك ..

أحدهم أيضا كان يتكلم عن درس حضره في بيت الشيخ سلمان ..
قال : سأله شخص (ملحّى) وشكله بعد يلبس عقال لأن مكانه واضح بالشماغ !!!
سبحان الله .. قمة البلاهة .

أحد الإخوة أيضا في الهيئة .. ذكر من ضمن المضبوطات عدد (2) عقال!!!
سبحان الله هل من حقك أن تأخذها ..؟؟؟

أخيراً ..
أحدهم كان يقول لي قبل سنوات :
ياخي ليش تلبس العقال ؟؟ ما يصلح الله يهديك .. وأنت أكبر من كذا وأنت وأنت ..
المهم قلت ياحبيبي أنا قصرت بديني ؟؟ قال : لا ..
قلت أجل مالك دخل تكبر وتعرف .. يجي يوم وتفهم ..
وآخرها شفته أمس وهو كاشخ بالعقال .. قلت هاه طاح اللي براسك ؟؟

تحجر وانغلاق عند بعض الناس ..
ثم يقولون هذي عاداتنا !! تقدر تلبس وزرة عند الناس ؟؟
قياس مع الفارق .. بس من يفهم ..

والمشكلة إن بعض الشباب يحسب أن من مظاهر الالتزام أن يكون بثوب متسخ وشماغ أصفر وشكل غير مهذب وطاقية طالعة وشماغ يبي يطيح من وارا .. إلخ
الله يخلف على الأشكال هذي ..
إذا كان الأولى عند مثل هذا عدم لبس العقال فإن من الواجب عليه التنظف..

وصراحة الناس الآن ليسوا كالسابق .. فقد خفت الحدة بعض الشيء.. وستزول بمرور الأيام .

سلام ربي عليكم