[ام المساكين]

اقتباس المشاركة الأساسية كتبها mshal.com بالنسبة لي أتحدث عن الماضي , لكن لا أتمنى رجوعه البتة !! الصبح :- ممهون كترك بالمدرسة , وكل درس أردى من اللي قبله . والمدرسين من النغاله تحس انه ينقهر أذا جت العطلة . وابن ابوك غب عن المدرسة . الظهر :- تحوس بالمطبخ تدور قير الأتاري - مغبا عشاني كاسرن قارورة الميرندا - اللي يباع عند محلات الغاز !! العصر :- المتنفس الوحيد ( كابتن ماجد ) واذا قضت تدور الكوره ولاه انصاف - كاسرن النجفا - . المغرب :- يجي الله لايحلله دنيا ولاأخره هالحروش ( دفتر الواجبات ) . وكتاب القواعد والله من يوم شفته أول مره برابع ابتدائي مارتحت له ابدا ابدا . عقب الأخير :- الأوامر الملكية :- بعد الصلاة مر الخباز وجب ( بريال ونص ) ومر البقالة ( جب بيض ) , أنا أمس جايب و ( فلان ) وش حيثه ؟ وش حضرته مايجيب ؟! تجيب وأنت ماتشوف الجاده . شلون أشيلهن طيب ؟!! جب وانت منثبر ! أييييه خلاص أجيب . وأنت راجع للبيت تلقى عند العاير واحد يحتريك تجي بس ( ويمسح بك الأرض ) مره يقول فاتنن على أخوي الصغير ومره فالقه ومره كابن تراب على سيارتهم !! من زينه مستبيشي تراه . وبعد ماتلحس ايدك وتدور الفراش نسيييييت وووااااووك , اثره علي حفظ قران باتسر الدرس الأول . وبتله مدرسين القران حبيبين بالحيل . وأول ماتغفي عينك وتروح بلأحلام السعيدة ( اي هين ) يقدح الضرس قدحتن تشوف الدنيا وانت بفراشك , كلن يشاخر والدنيا خرمس أتوحش أقوم من الفراش . واذا قمت ماعندك الإ بخاخ البنج اللي بتله بيد الصيدلية اللي بمغسلة الرجال , والإ القرنفل اللي بالثلاجة له ست اسنين ماسكر غطاو , ويجي التقلب بالفراش وأسالن عن ليالي الشتاء إلى يذن الأول . واذا اصبحنا يالله المدرسه انت وياو , أبغيب ياناس ضرسي موجعن البارحة . همن تجيك نظره تنسى شئ اسمه الغياب . حتى الركعة والسجدة بالصلاة ماتسلم من خقله !! كود تحجز العامود وعساك تسلم . الهموم والنكد أكثر بواجد الحين ,, بس ولو ,,, وش عليه أتمنى يرجعن ,,, مامثلهن ذكريات بس .

[c[size="6"]enter]كلام سليم ضحكت وانا ضايق خلقي جزاك الله خير [/]