مساء الود والورد
بختصار وبدون مقدمات وبكل حرقه والم ومن قلب معذب من اللي يصير
فيه بناات يتعرفون على شباب ويصير بينهم حب وغرام
وفيه علاقات نوع ثاني او مثل ما يقولون صداقه واخوه
تقول {مثل اخوي}<<تقهرني هالكلمه وهي اكبر مصيبه
اخوك ولد امك وابوك وغيره غرررريب مو محرم ما يحق لك تكلمينه!
يعني علاقه داخلينها من باب الاخوه<<يعني اننا علاقه شريفه
مثلا بنت تستضيف ولد وتفضفض له وبعدين تطور علاقه الاخوه المزعومه
الى مكالمات جوال وتقول انه مثل اخوي ويتهم فيني ويحل مشاكلي وينصحني ويخاف علي!
وبعدين عادي باسم الاخوه يطلب انه يقابلها ويتكلم معها كا اخت !!!
وعادي يشوفها يقول مو اختي انتي عادي اشوفك وحتى تسأله في ادق تفاصيلها حتى في قصه شعرها !!
ويشوفها كام يبي يطمن عليها ويشوف عيونها اذا فيها زعل او تعب!!
وكل هالعقلاقه الشاب يستغل البنت المسكينه بأسم الاخوه ؟
وصح كل شباب المسلمين اخوه لنا في الاسلام
بس الاسلام حرم نضيفهم في الماسنجر ونكلمهم ونقابلهم او نرفع التكلفه معهم
حتى بالرسايل الخاصه علاقتنا مع الشباب بحدوووود الشي المهم جدا وباسلوب رسمي جداااا معهم
كل العلاقات بالبدايه بالماسنجر والبي بي وبعدها بالجوال
ويمكن بعدها تبدأ الطلعات بمجمع او كافي او مطعم او للقاء بالسياره
وفيه بنات يسون اشياء فشله كأن الشباب ازواجهم وبعضهن تطلع معه بشقه !
بعض البنات يفتحون كام لشباب لانه مايقدرون يرفضون لهم طلب بسبب التعلق بهم!!!
والشباب باسلوبهم ياخذون كل شي من البنت الغبيه
في الاول بس الوجه !
وبعدين يبدأ مسلسل الكشف آخر شي ممكن تتصورونه!
ناسين ان الله يشوفهم وناسين ان الرجال غريب عنهم وناسين شرف اهلهم وعقوق والديهم!
ليه يابنات ليه تسوون كذا وليه الثقه في شباب مايخون الله ولو يخاف الله ما تعرف عليكم؟
اسألي نفسك هالشاب الي يسويه معك يرضاه لاخته او اهله وربي لو يشك بس شك في اخته ذبحها؟
ليه اجل رضاه عليك لانك بالنسبه له مجرد متعه ولعبه وصيده رخيصه وبنظره انتي مو متربيه !
ولا يهمك حكيه كله كذب ويقول الشي الي يخليك تسوين له الي يبي
ويبسط الاشياء عليك ..عادي اشوفك ..عادي اطلع معك ..وكل شي عادي عنده
ويقول انا حبيبك او انا مثل اخوك اهم شي ياخذ منك الي يبي!
ونهايه هالطريق الكل يعرفها يا ورطه اوفضيحه وابتزاز وعذاااب دنيا وآخره
علاقات بدايتها شات ومتديات وترقيم ونهايتها عذاب الله
؛؛؛بكل امانه؛؛؛
وش رايكم في البنات الي يتعرفون على شباب ؟
وخاصه الي يفتحون كام للشباب ويرونهم صورهم او يطلعون معهم ويقابلونهم؟
بعض البنات تحط اسباب للي تسويه , هل تتوقعون فيه سبب مهما كان يبرر خطاها؟
واتمنى من كل عضو او عضوه يقدمون نصيحه من اعماااق القلب للبنات
من هالنوووع علشان يكون الموضوع بدايه نهايه الضياااع والخراااب.
بتمنى الموضوع الموضوع يلقى صدى وتفاعل
مع
ارق تحيه لقلوبكم النقيه