[كَـارِيـزْمَـا ©]

.

سلآم عليكم معشر التلميذات
.
.
بما إن الموضوع يخص المدارس والجامعات والمواقف والسوالف هناك ..
بقول لكم موقفي ..
كان معي زميلاتي ثنتين أخوات وحدهـ تكبر الثانية ..
لكن ياحوول الصغيرة له الدبرة والعبرة ..
عاد مرة جالسين أنا والكبيرة منهن وهن ثنتينهن دايم يتكلمون بأخوهن وإنه مزيون وهيك ..
عاد جتك هالكبيرة طلعت بوكه , وفيه صورة أخوها .. قالت : بنات شوفن أخوي , وتورينا إياه
عاد أنا مدري شسوي ناظرته ..ههه
بس أنا بصرآحة ما عطيتها وجه , بس ألقيت نظرة وخلاص ..لأني ما أمون عليهن ما داخلتهن حيل ..
..
جت أختها الصغيرة .. نااظرت أخته قالت : جايبة صورة عادل ؟؟
قالت : إيه , شافنه البنات ..
جت الصغيرة أخذت البوك من أختها بالقوة والصورة فيه ..
وياعمري صرخت عليها و شنعت وهاااشت .. ووصفته بكل شيء شين ..
مع إن الصغيرة كانت مشغلتنا عنده ..!
..
عاد أنا قمت ورحت ما أحب أقعد عند ناس يتهاوشون
..
رجعت ودخلت فصل من الفصول لقيت الكبيرة تصييح ..!
مدري رحمته بغض النظر عن الصورة , بس أخته الصغيرة قوه فشلتها ..
.. جيت له وطمأنته .. قالت بقهر: ليش أصغر مني وتصرخ علي وتفشلني عند البنات ..! (قوه شرهه ع أخته )
..
المهم انتهت السالفة ..الزبدة /
من جد فيه بناات مالهن داعي هن وكلامهن .. خصوصآ اللي تتكلم عن أخوها انه مزيون
ولا هيك .. يعني تبين البنات يغازلن أخوتس ولا وش مقصدتس ..؟!
كد مر عليكم أمثال هالموقف أكيد ..
**
سالفة شبيهه .. وحده من البنات تزوجت .. عاد أخذت إجازة تقريبآ أسبوعين وجت ..
يوم جت تطلع , كل البنات كبعوا عباياتهم وراها يبي يشوفون زوجها ..!
**
ووحدة من صديقاتي صار له نفس الموقف .. حتى وجه بن فهره يقولن لها : بنشوف زوجك ..!
يوم صار بكره إشتكتهم ع الإدارة وعلمتهم السالفة .. بس الصدق فشيلة عليهن عند المعلمات ..!