أول مره دخلت المطبخ كنت بالابتدائي قالت لنا المعلمه عن طريقة الجلي
ومن يوم جيت من المدرسه الظهر طيران للمطبخ ابزين جلي مابي صبر
ومعي ورقة كاتبه الطريق من الابلى واقراه على امي هههههه
وامي تسلك لي وتسوي نفسه ماتعرف الجلي
وانطلق واسوي الجلي اللي يرج واحطه بالثلاجه وكل شوي اطل بالثلاجه اتطمن ع الطبخه الكشخه هههههه
وبداياتي بالرز كنت بالمتوسط سويت رز وكل ماطليت عليه اثره ناقص الماء وازود ماء
ومسويته لابوي يابعد الدنيا وكل شوي ينادي يابنيتي وين العشاء صار مفطح ذا مب رز ساعه وهو يطبخ
واحطه لابوي رز يرج ماء تقل سليق هههههههههه
وياكل ابيي يابعد الدنيا ويقول لي وش هالرز اللذيذ اللي من يوم اخذ امك ماذقت مثل طعمه ,,يسلك لي ياعمري
والا عاد القهوه ابوي مره جاه رجال وامي طالعه وقال سوي قهوه
وافسر عن ذرعاني واملا الملقمه ماء وتبتل القهوه تطبخ له نص ساعه وابوي رايح جاي
وين القهوه
قلت يبااه ورراه عجزت تصير زينه واخذه ابوي وساعدن وحط الهيل
ايام حلوه ومغامرات ضحك وابوي كان الضحيه يابعد تسبدي الله يغفر له ويرحمه
الدافع لي بالطبخ هو ابيي
