[» أوّاه !]

أهلاً بصاحبة الأحرف الجميلة والمواضيع الهادفة

مالمانع من التعارف ؟؟ وخاصة اذا كان هذا التعارف في منتدى محافظ وبالتأكيد من يدخلون المنتديات المحافظة هم ناس محافظين ( وفيهم خير ) عن نفسي لاأجد مانعاً في ذلك لاسيما ان كانت هذه العلاقة مبنية على الحب في الله
شئ رائع وجمميل و( لذيذ) أنه تكون علاقتك بوحدة مثل الأخت أو أكثر بعد

وبالنهاية هي مثل ماقلت علاقة أخوية خاصة إذا كانت هاللي متعرفة عليه أخلاقه عالية بالعكس بتكون مكسب وبتعلم منه

ولكن :

يجب الحذر بالبداية لأنه مو كل العضوات تكونين واثقة انهم ( عضوات) فأنبه انه مو أي أحد تعطينه رقمك أو تفصحين له عن معلوماتك الشخصية لين تتأكدين من هوية الشخص اللي قدامك وتثقين فيه

» عن نفسي وحدة تعرفت عليه من فترة عن طريق هالمنتدى والحين من أعز صديقاتي > لحد يقول منهي

ووحدة ثانية ( لبى قلبه ) تونا متعرفين ع بعض ويشهد الله إني ماشفت منه إلا كل خيييير وسسسعيدة ومستانسة بهالمعرفة > الله يخليه لي ولا يغير علينا



أما اللي ( تنبش) أخبار العضوات
أبفهم شالفايدة المرجوة من ذلك > يعني تصرف غريب أجهل سببه يمكن فضول أو ( شرافة ) أو ايييش بالضبط ؟!!
طيب واذا عرفت شي المفروض ماتنشره يعني الوحدة تحط نفسه مكانه أكيد بتنقهر

> عاد ان شاء الله ان هالفئة قليلة بهالمنتدى

أما بالنسبة لمسألة انه هالتصرف ينبئ عن ماهو أخطر مثل ماقلت لك اذا كنتي واثقة بالبنت ان شاء الله انه مافيه خطر ويمكن تقولين على أي أساس أبني هالثقة أحس من كلامه وردوده ومواضيعه وكذا بتعرفين وشي شخصيته وبعد التعارف نصيحة لاتعطينه معلومات شخصية أبداً إلا إذا شفتيه وقعدتي معه وكذا وبدون تعمق

وترا ياما بنات كان تعارفهم عن طريق المنتديات وامتدت هالعلاقة حتى بعد انقطاعهم عن المنتدى والحين ( خوات وأكثر) » صراحة تعجبن جداً العلاقة الأخوية اللي تكون بين البنات



بالنهاية : أسأل الله أن يجعل محبتنا خالصة لوجهه وأن يبعد عنّا كل من بنيته شر ..

عباب