[عرفوج]

السلام عليكم :

أنا أشوف حاجتن بهالشباب التالين وهي إنهم حمقين يعني يامنه فتحت الإشارة بواري أعوذ بالله يوجعن راسي من بواريهم ولو تأخر ثانية قعدت يحدحدك ويلفف عليك يعني ليش تأخر ويقعد يسوي حركات تدل على إنه زعلان خاصتن عند الإشارات وأنا ألاحظه بالحيل مادري وش بلاء الناس ماتصبر ، فأنا أنصح أخواني بحاجات ليا منهم بغوا يحركون من عند الإشارة :

1 - قز الخط قز يعني تلفت يمين ويسار قبل لا تمشي لأن قطع الإشارات كاثرن هالأيام

2 - حاول إنك تصير الثاني عند الإشارة حتى ماتهور وتدعس ليا فتحت الإشارة

3 - المرور وينهم مانشوفهم عند الإشارات

4 - ليا منك شفت الإشارة صفراء لاتدعس علشان تلحقه ترا العالم مطافيق

5 - عند ماتصير الإشارة صفراء وتبي توقف أنتبه وراك ترا بعضهم يجي طاير ثم يلحم بموترك

6 - المفروض كل إشارة قبله مديور حتى مانتزاحم عند الإشارة

وشكرن لكم .