[إكلــــيل]

السلام عليكم ،،

حياك ربي خوي السروور أشكرك على هذا الطرح ..

بالنسبة لي جئت لكم بسالفه صحيحة حصلت لواحد من الشباب قصه علينا .. راح أختصر بإذن الله ..

يقول : .. أعرف شخص ملتزم مؤذن مسجد ماشاء الله تبارك الله .. الرجل حسافه ولا عليه خلاف ... المهم يقول من تالي لاحظت عليه .. أحيانا يمشي مع واحد اصغر منه بسنين لااا ووالله لا يضره .. مزيون .. انا قلت نمشيه هالمره .. وصرت أنا واثنين معي طبعا كلنا نعرفه .. بدينا بمجالسنا دايم نحش فيه .. وانه وانه .. مع الأياام زاااد الوضع صار الرجال رايح جاي معه بالسياره وطلعات وروحات وجيات .. المهم يقووول أنا ماتحملت الصرااحه ..

عزمت رفيقي على قهيوه .. بالبيت .. وشلونك .. طيب .. لمين دخلت بالسااالفه ..قلت فلان .. قال سم .. قلت شف صراحه انا ماقدرت اتحممممل اشوفك بهالحال .. قال اي حال .. قال رفيقك اللي معك دايم وش لك به ؟ المهم كلامه له الصراحه مهب مثل ماقلت لكم تراي انا ماحفظت كل اللي قال له .. لكنه يعني قاله بطريقه جازت لي .. المهم رد الرجال وقال ان هالمزيون اللي انت تقوول له خويا غير وهو ملزقن روحه بي مايبي يروح لخوياه الاولين .. عرابجه .. ومشغلن اشغاااال دايم يدق علي ويقول مرررن وووو لأنه واثق وأنا والله مافكرت بشي من اللي انتم فكرتوبه .. وووووووو كلام طويل المهم اتضح ان الرجاااال لاغبااار عليه .. يعني ماراح يلاحق الولد .. وأيضا في النهاية اتضح انه قريب له .. فما كان من صاحبي إلا وأن اعتذر منه ..

لا والولد اللي مع رفيقه .. اللي متعلقن برفيقه .. دري بالسااالفه وزعل .. ويقول وشلون تفكروون بهالأفكاار الحين انا هاااجن عن العرابجه على شان كذاا .. ويالله شللق ..

المهم عدت على خير ..

فأحسن الظن أخي بارك الله فيك ،،

واحمل أخيك على سبعين محمل ..

وكما قال ابو محمد النجدي .. إن كان هناك ماذكرت فهم شواااذ وقللله قليله ..

.. شكرا لإتاحة الفرصه ..

أحسن الله إليكم ،،