[فــتــى بــريــدة]

وش فيكم متسرعين شوي شوي...

فارس ماهو لازم تفهم أنت لا تدقق بالقصة يعني مو لازم تضحك لأني ما أضحك أصلا..

ليس الخلل مني الخلل من المصدر ...

الإتصالات السعودية حياااة أخيس

........................................ الحلقة الثانية .............................................

أحداث الحلقة الحالية:

اقتباس أحداث الحلقة الثانية ضربة الجرذي بالباب. محدثكم أقوى رجل بالعالم يكفخ أخوه.. محدثكم يكفخ بفتح الفاء من قبل أخوه الكبير ويلوذ هاربا.. أخي الصغير يطقطق علي ويقول أنت بنسميك أحسن ذباااح جراذي وبنفتح لك مسلخ..

المهم يوم لمخني مع رجلي وأنا أنط نطة لو نطيت على كل الأرض لكفتهم

وأجي أبلفعه وأتردد أجي أدور لي شي أبلفعه به المهم بين هذه وتلك... جاء الجرذي يمشي

سبع كيلوا وخمس وثلاثين ميقا هيرتز في السنة الضوئية

المهم جاءعندي وخويكم أشجع رجل بالحارة الي بالبيت << روحوا فوق واقروا المكتوب..

المهم أفكر أحط رجلي بس والي فيها فيها .. ومرة أقول ياولد حتى ما أعود اخواني الصغار على الهروب من الواقع

المهم يوم فكرت والجرذي عند رجلي وأرفع رجلي نفس الكابتن رابح تذكرونه الي يرفع رجله الإربعاء وينزلها السبت الظهر

وأعطيه ذيك الشوته الي لو وزعت على بريده لكفتهم<< توه متعلم العبارة هذي ..

المهم يوم شته ويضرب بالباب ضربة لو وزعت هههه <<< خلاص خلاص..

يوم ضرب بالباب وهو يرجع لي .. قلت بس الرجال << الرجال جاء ياخذ حقه الهجه وأنا أنط على السرير وأقول لأخوي عطني المكنسة عطني المكنسة... والله وأخوي الصغير فاطس ضحك ويقول وليش الجرذي هج برا البيت وأنت عطني المكنسة عطني المكنسة انزل انزل الله يرحمنا ويالك...

والله وهو يقهرني وما أحد عنده أنا وياه بس الجماعة صاروا أشجع مني راحوا ورى الجرذي المهم قلت أقول .. أش .. قال وين أش أنت مسجل بصالة ومزعجنا أنا أتدرب أتدرب وأخرتها كذا أقول لا تتعب نفسك بس كل يوم تروح<< والله قهرني قووووة ..

قلت اقطع وأخس يـــ ,,,,, ....!!! مشفرة معيارتة... قال تشوف اذا ما علمت عليك ... قلت أقول وش رايك نروح انا وأنت للبقالة <<< يبي يشبك .. قال خلاص قلت مشينا ....!!

المهم يوم وصلنا البقالة قلت وش تبي قال أبي ... كندر أبو ريالين ونص وبيبسي << ترا ما أقصد أحد هنا

وبيرة ... وليز كاتشب ... وتوكس ... المهم انا جاني إنهيار عصبي بلعومي بوسط الرئتين

قلت عد عد ... وعادهن علي ... قلت طيب طيب أبشر لكن ما تعلم أحد بالسالفة ... قال وعد ما أعلم..

نزل خويكم للبقالة .. ويزمر بعد ... اححح صديييييق فيه توكس ... قال لا .... قلت احسن ... قلت طيب فيه كندر ... قال لا ..!!

قلت طيب ليش فاتح البقالة أجل ؟

قال لي وهو متجه يمي .. يامدير ؟ أنت مايجي هنا خلاص أنا سكر بقالة ياحرااام .. روووح روووح برا مايبغى يشتري أنا راس خربان ومافي فاضي...!! المهم قلت له طيب لاتزاامر << قال مدير اطلع اطلع برا ؛؛؛ قلت ماني طالع

المهم وهو يجيني .. وياخذني بيدي ويسحبني ويطلعني << هذا خويكم القوي << عاد العامل حق البقالة كان بنقالي وصغير وقصير بس خويكم دجاجه صقعاء ..!!

المهم بهي اللحظة شافني أخوي... المهم جيت يمه قلت مافيه الي تبي وش رايك نروح لبقالة ثانية قال مافيه هااااااه << مافيه وإلا البنقالي طردك.. قلت أنت ماتفهم مافيه...!! قال ارجع للبيت ... قلت ماني راجع .. قال أنا معلم معلم بس ارجع قلت يابن الحلال معلم وإلا مدرس<< والله ياهي قديمة جدا جدا جدا

المهم رحت لي ببرحة وراء بيتنا ووقفت وسكرت الباب قلت لاتفتح ... اسمعني ترا تعلم أبعلم تذكر يوم انك تروح تشغل سيارة أخوي بعد الفجر قال قدييييييييييييمة أصلا داري هو ولا قال لي شي....

قلت امممممممم طيب ترا أبعلم يوم انك تحذف على سيارة ولد عمي ... قال مسكني ولد عمي وصمخني لين قلت بس...!!

يعني العالم داريه...!!

قلت اسمعني أقسم بالله إن علمت لألفعك لين تقول بس ياووووووووورررررررررع..!! قال خلاص ماني معلم...

قلت انزل يا كلب<< قال الكلب أنت >> وهو يحط رجله .. وأنا ألحقه .. المهم راح لأخوي الكبير ... وهو يجلس عنده ويصيح ودموعه أربع أربع << أثره من اليوم كاتم الصياح وتوه فرغه..!

ويجي خويكم خلاص ما أحد داري عنه وأخوي قال ماني معلم..!! يجي يصفر وياكل فصفص...!!

والله ويجي أخوي الكبير ويلفعني مع كتفي قال تعال تعال ويسحبني معه....!!

ويجيبني عند الحكومة <<< وعند الهيئة << عاد فيه أخوين لي مطاوعة ومسميهم الهيئة واذا تجمعوا بمكان اسميه المركز

المهم وأشوف أخوي يبكي عندهم قلت أفااااا والله الي انجلدت ... قلت يارجال " اصبر وماصبرك الا بالله "" << خش للدين ع طول..

قال أخوي ليش تضربه وأنت خفت من الجرذي لا ألفعك ألزقك بالدريشه .. قلت .. هو تراااه مشغل سيارتك ذاك اليوم قال ماعليك منه .. المهم وأنا ألجم .. وأسكت...

قال قبل شوي كفخك البنقالي والحين أنا أبكفخك << قلت ياويلي هذا وش دراااه عن البنقالي...

المهم يوم شفت ماشفت وأنا أحط رجللللللللللللللي وأنحااااش... المهم راحت السالفة .. يوم جينا نتغدى وخلصنا وجلسنا ...

وأخوي الصغير عاد نجيس شوي ... يجي بجنبي ويقول لي هاا وش رايك نفتح لك مسلخ يقولون انك تعرف تذبخ الجراذي << جمع جرذي

ونسميه .... مسلخ البنقالي لذبح الجراذي ............. <<< جمع سالفتين ابن اللذين بعبارة وحده ...


دن دن دن دن

وانتهت الحلقة الثانية ...

.................................................. .................................................. ...........................................

أحداث الحلقة الثالثة ..

- الجرذي يهاجم وبجرأة مرة أخرى ...

- أنا أبحث عن اثبات للذات بعد فشل دام أسبوع ...

- البيبسي ينتثر علي وأنا مكشخ ....

أخوي الصغير يطقطق علي مرة أخرى ويقول .....!!