|
اختي قصة والله انك صدقتي وحطيتي يدك علي الجرح انا لي قصة مع المعلمين
ولدي يشتكي من سوا الحفظ دايم اسئلة ليش وشعندكم اليوم يقول المدرس غايب المدرس ماجاء رحت المدرسة بشوف هل كلامة صحيح ولا بس حجج رحت المدرسة فعلا حصلت الفصل من دون معلم وفية معلمين براء جالسين يسولفون ومخلين الطلبة بالفصل .
سئلت عن المعلم وينة
قال لي طالع
قلت وشلون يطلع وعندة طلبة وفصل
قال ياخي عندة شغل
قلت شغل وقت الفراغ بعد المدرسة
طبعا المعلم بيسوي نفسة ذكري ويحجر لي
قال لي انت موظف صح
قلت صح
قال شفت مخلي دوامك وجاي للمدرسة يعني كلن يصير عندة شغل وظروف
طبعا انا صفقت له بحرارة وقلت لة شاطر هذا الي قدرك علية تعليمك يامتعلم كذا تححج للمعلم الغائب
انا اول شي اليوم اوف ماعندي دوام وقلت استغل الفرصة اجي اسئل عن الولد وبعدين الولد يقول ان المدرس دائم غايب ويطلع من الحصص
قال لا لا تصدق ودخل الفصل يسئل وراح يجيب حجة اقبل من ذنب وقال اصلا عندهم بدنية
قلت ياشيخ ليت ما قلت عندهم بدنية يعنى حنا جاهلين غير مطلعين على جداول المدرسة ونعرف وش اليوم
المهم خليتة ورحت المشرف طلع المشرف غير موجود طالع وتصلو علية وجاء
ياجماعة انا سبب روحتي للمدرسة هو تقييم الطالب معطية كل شي 1 المفروض افرح بس والله ضاق صدري قلت وشلون اسئل الولد عن الحروف كلهن عندة حرف واحد وهو حرف (د) قلت اروح اشوف السالفة هل عندهم مدرس ولا بس الدعوا شختك بختك
والله قابلت ناس في ثالث متوسط والله ما يعرفون يقرون وشلون هذا بيروح ثانوي
اختي قصة موضوع هادف ويستحق النقاش وياليت يشاركوننا فية المعلمين والمعلمات
انا قبل اسبوع جاني مدرس يبي يصلح لة عرض في البروجكتر شرح لطلبة والله مهب عارف يستخدم الكمبيوتر
طبعا باستخدام البوربوينت ويقول اشغلونا الوزارة حطي تحت اشغلونا الوزارة 20 الف خط يعنى لو مشغلتهم الوزراة كان اشكل قل الكلمتين الي عندك ومسكك الباب
شي محزن
الله يعطيك الف عافية قصة واسف على الاطالة
|