[القلب الوردي]

اقتباس المشاركة الأساسية كتبها بلسم جروحي بنات تكفوون ابي عجييينه تنااسب للفطاير والبتيزا وكل شي مافيه عجيينه تضبط معي تكفوون ساعدووني واللي تكتبت طريقه تكتبها لي بالتفااصيل لاني مالي ومال المطبخ بس يوم تزوجت صررت اطبببخ بس ماعرف اسسوي عجينه اليوم سويت عجينه العشر دقايق وماضبطت معي ابي افرردها تلصصق معي وبعدين سويتها بدون فررد ووحشيتها وحطيتها بالفررن طلعت يابسسه من تحت والمشكله زوجي قال ابي عشاء فطايرر ولا سسويت تفششلت

أنت حاطة ببالك إن العجن صعب وقليل تضبط العجينة بس صدقيني أسهل شيء بالطبخ هو العجبن أنت بس حطي بالك زييين لها وبتضبطينها إن شاء الله

شوفي أبقول لك هالطريقة وبإذن الله بتضبط معك وبتدعين لي

بنفس زبدية العجن :
كاس ماء داااافي يميل للحرارة
نص كوب حليب بودرة
فنجالين سكر
رشة ملح
ملعقة كبيرة خميرة
ملعقة كبيرة جبن سايل
فنجال زيت

إخلطيهم زيييين بالسلك اليدوي بعدين أضيفي ( 3 أكواب دقيق كويتي , ملعقة بيكنج بودر )
إلبسي قفاز وإعجني بإيدك وكل ماطولتِ بالعجن كل مازانت العجينة وصارت لينة .
غطي العجينة وخليها بمكان دافي عشان تتخمر لمدة ساعة كاملة وبعد كذا إبدي شكليها وإخبزيها .
ملاحظة :
إذا شفتيها تتلصق بإيدك رشيها شوي دقيق ورشي السطح اللي بتفردينها عليه وإدهني إيدينك بزبدة .
الفرن خليه حااااار ونزلي الشبك تحت لاترفعينه فوق وأول ماتتحمر الفطاير على طول سكري النار وحمريها من فوق شوي لأن كل ماطولت العجينة بالفرن يبست .
كمية هالعجينة مناسبة مو قليلة مرة ولا كثيرة مرة وتنفع للبيتزاء والفطاير والخلية والسينبون وكل أنواع المعجنات .

جربيها وخبرينا لو ضبطت معك