[ونـاسه]

اقتباس وانا اعرف واعرف الكثير وتورط بعد الزواج.. وانا ماقلت شي هذا اول لكن اللحين كل شي غالي غالي وانا تكلمت من تجارب واغلبهم اللي كذا تلقاهم عليهم ديون الى راسه والسفر ظربت مثل فقط وانا مااتكلم عن شخصي اتكلم على العموم خاصه بمجتمع الحريم بينهن غيره مره ماتبي اقل الناس بكل شي والرجل اللي يحب مرته مستحيل يخلي مرته اقل الناس بيضطر ويتسلف من ومن.. من جد الى متى على هاالحاله..؟؟ انت اخذ كل شي بساطه ناظر نظره مستقبليه.. ولايغرنك الحريم اللي تقول اهم شي القناعه وماادري ايش كله هياط باالفاضي يكفي اذا دخلت السوق كم الفاتوره..؟؟؟ ظربت مثال باالسفر لانه كان قبل مافيه شي اسمه شهر العسل وسفريات بعد النفاس ووووووغيره عد واغلط اللحين اذا ماسافر به قال ايه ماوفق ماادري وش دخل السفر.. اناغير مؤيده لكن هذا الواقع مع الاسف مجتمع الحريم لواتكلم عنه شي يشيب الرأس..

يااختي .. ليش تصعيب الأمور ؟

كل شي غالي وكل شي غالي ... أكيد كل شي غالي ولآزم البنت تراعي من هالنقطة !!
وبعدين ليش ماتتحمل على نفسه سنه والا سنتين .. وخصوصاً اذا كان متأهل
لأفضل الوظآيف (جامعي) .. وبالكثير سنه كاملة وهو متوظف وظيفة كويسه
وخصوصاً بذا الوقت !!

ليش البنت ماتشارك الشاب في الصبر والتحمل والحرمان لمدّه قصيرة الين الله يكتب المقسوم !!
اعرف واحد تزوج قبل اربع سنوات .. كان بدون وظيفه .. وغير جامعي .. جلس عشر شهور تقريباً
بدون وظيفة .. حافي منتف .. أمّا الآن ماشاء الله تبارك الرحمن عليه .. عنده وظيفة طيبة
وابناء وبيت جميل .. وسيّآرة غالية ,.. رزقه ربّي لانه طلب العفّة .,..
وهي تراه على نية الشاب والبنت ,..
وبعدين البنت الي تحب زوجه مستحيل بتطلب منه شي فوق طاقته ومستواه المادي !!
ومستحيل بتقارن نفسه بغيره من البنات .. كان ماتتحمل تعيش معه ,.. > هذا بعد الزواج

لكن قبل الزواج .. اذآ جاء ولد الحلال بدون وظيفة لكن مؤهل للوظيفه .. ليش يُردّ ؟
الفتاة اللحين تخطب في سن 22 او 23 سنه .. ثم يُرد الخاطب باي عذر ,..
كل أم واب يعتقدون ان ابنتهم سندريلا زمانه .. ومافي اجمل واحسن منهآ ,..
ثم يتفاجأ الاهل بان ابنتهم وصلت الى سن 25 سنه او أكثر ..وهي على خطر عظيم ,..
ثم تبدأ المخاوف على مستقبل بنتهم ,..
ويضطرّون المساكين ل ( الركوع ) الى اي شاب يتقدم .. متغاضين عن بعض نقوصه التي
كانوآ يرونها في السابق نقوصاً,..

الآباء والامهات هم السبب في الغالب لتعاسة ابنائهم وبناتهم ,..
الرسول صلّ الله عليه وسلّم يقول لأهل البنات :
(اذا اتاكم من ترضون دينه وخلقه فزوجوه والا تكن فتنة وفساد عظيم)

ويقول للشباب اللي بيتزوج :
( تنكح المرأة لمالهآ ولجمآلها ولنسبها ولدينهآ فاظفر بذات الدين تربت يداك)
ليش ماقال لأهل البنت .. زوجو الشاب ل ماله مع الخُلق والدّين ؟؟
لأن النبي يعرف ان رزق الشاب سيأتيه بعد العرس ,..

وبعدين يااختي وش اللي شهر عسل وماشهر عسل .. وش الخرابيط ذي ؟
قديمة انتي .. اللحين شهر العسل سفرية لمدّة اسبوع الى مكه والطايف وابهآ ..
واكبر نعمه ,.. وكلهم مبسوطين.. لكن العوق من الاقارب والاخوات ,..

الرجُل يستطيع ضبط المرأة.. باساليب بديلة وممكنة ,..
وفرض عليها واقع يتماشى مع امكانياته وبشرط لايهضم حقوقها كزوجه ,..
اختي لديك نضرة سلبية عن الحياة انصحك بتعديله والا ماراح تعيشين
مرتاحه ..


والله ولي التوفيق ,..