[محمد الرشودي]

من ناحية سعر مواد البناء !! حدث ولا حرج!! أنا شغال الآن ومنكوي بأسعار مثل اللهب !

قسم بالله أجرام اللي جالس يحصل بحق الناس خصوصا أصحاب الدخل المحدود ! أجل الحديد عام 1421 أنا مشتري الطن بـ 1129 ريال بالضبط 12م سابك ، الصبة المقاوم بالبمب بـ 135 ريال ، البلك 20 بـ 970 ريال ، الأحمر العازل نجد 800 ريال ...

أما قبل أسبوع مشتري 4طن الواحد بـ 2940 ريال 14م و 12م بـ 3500 من الفوزان وأيضا سابك!! المتر الصبة العادي بـ 210 ريال .. و و وو وو !! والمضحك المبكي أني حاجز بلك مخيش من نجد الـ 1000 بـ 3560 ريال والتسليم بالضبط بعد شهر و 20 يوم !!

الأساسات الآن لعمارتين كلفننا قيمة دورين عظم كامل بمواده قبل 12 سنة !
ما بالك اللي راتبه لا يتجاوز 5 الآف .. والأرض سكني تصل قيمته فوق 250 الف وعساك تلقى!! وين بيروح ؟ وين بيلقى اللي يلفيه ؟!! إذا أجار شقه يوصل 20 الى 30 الف ! الله يكون بعون الشباب .. لا وظايف وعندنا من يتفنون بالتنكيل بمستقبلهم !! وسياسة التعامل الباقية خذ باليمين وهات بالشمال! وش فايدة 500 الف وأسعار مواد بناء وعقار واصله عنان السماء ! لا وأستقطاع من الراتب بعد الحمدلله اللي أغنانا عنكم !