[• إنِدثـار~]

اقتباس المشاركة الأساسية كتبها روح حور مرحبا بنات العز شخباركم وعلومكم انا ضيفه جديده فيذا وحبيت اسألكن عن بريده >>بدون مقدمات لنا زواااج لأخووي بشهر 7 وما نعرف ببريده شي لا مشاغل ولا صالونات ولا دار ضيافه ولا ديجي ولا حبه فأسألكن بالله لا تبخلن علي بشي ابي اسأل عن الكوفيره سهاام كيف شغلها واللي عندها رقمها ترسل على الخاااص ربي لا يحرمها الاجر وبعد اللي عندها اسم كوفيره سنعه وشغل سنع لا تبخل علي ترسل لي ها او على الخاااص وابي أٍسأل عن دار الضيافه القهوجيات الفلبينيات وين الأقيهن ووالطقاقات اابي دي جي ووين حلى وحده والحلويات والعصائر ووين افخم محل وتوزيعات الهدايا ووين احلى شي ادري كثرتها طلباتاتي بس مالي غير الله ثم انتن انا من المدينه حوووووووووووور

ياهلا بضيفتنا ..

عندك قاعات الزواجات .. الرصافة .. والعزيزية .. وفندق موفينبيك .. وقصر السلمان .. وقاعة كادي
واستراحة طيبة .. قاعة دفادف .. قصر السلام .. قصر المعالي

طبعاً اختلاف أسعارهم على قدر فخامتهم , وكل واحد يختار اللي يناسبه : )
رقم قاعة العزيزية : 06/3230011
رقم الرصافة : 06/3811119

قاعة الرصافة تقع بشمال بريدة - الراشديات .. سعرهم فوق العشرين الألف .. مدري بالضبط كم
تقريباً تعتبر من أفضل قاعات بريدة .
فندق موفينبيك جميل لكنه صغير نوعاً ما وسعره أيضاً 20 ألف .
ومثلهم قاعة العزيزية.
استراحة أو قاعة طيبة جميلة بعد وأنيقة بـ 12 ألف .
قصر السلمان والمعالي والسلام - ما أدري والله عنهم أي شيء ! شكله نصّ ونصّ شوي
لكن يفيدونك البنات .
عموماً أغلب القاعات شمال .

الشوكلاتات : البيت الجديد ( New House ) - حيّ النهضة .
ديلشيز- باتشي - حلويات شوكو شيد- دلع - القباني

البيت الجديد / عنده الشوكلاتات البلجيكية طعمه لذيييذ وتواجه .
باتشي / معروف
شوكلاتات شيد / 0532200906!
القباني (جرير) / راائع خاصّة الكوزكيك / القاتوهات . يقع بشارع الملك عبد العزيز
شارع الملك عبد العزيز فيه محلات ثانية لكن مستهلكة :
جهينة - أكارشوكولانا - وغيرهم


الموالح : حلويات فتافيت - حيّ الفايزية (زوروا المحلّ وشوفوا اللي يعجبكم )
الفطاير : الأرياف أكثر من فرع
حي البشر ": 063812800
طريق الملك عبدالعزيز : 063263333

--------------------------------

المشاغل :/
فيه شارع بحيّ الصفراء اسمه شارع المشاغلْ .
أفضلْ مشغل هو ( فربيينيا ) .
وهذا الموضوع بيكفيك العناء إن شاء الله :/
http://www.buraydahcity.net/vb/showthread.php?t=287598


--------------------------------------

تجهيز الحفلات فيه هذا :

http://www.buraydahcity.net/vb/showthread.php?t=300640

دفـــآدف - دار الكرم - مرايا


+ الأسماء اللي ذكرتها بدون أرقام ممكن تتصلين على استعلامات بريدة : 905
ويعطونكم الرقم وتاخذون الوصف من المحل .
لعلّ البنات يفيدونك أكثر إن شاء الله خاصّة من ناحية الأرقام لأني حاولت جهدتي .

همسة أخوية :
لا تنسي غاليتنا الإبتعاد عن المحرمات حتى يطرح الله البركة ويحلّ التوفيق والسعادة في حياة الجميع
وتجنب البذخ والإسراف حتى لا نكون إخوة للشياطين .
وباركَ الله لكم ويسر أموركم