السلام عليكم ورحمه الله وبركاته ,,
أمس كنت بالخيمه (خيمه التسوق)
وبصراحه عليهم نظافه تخرررش
والله ولامكان للغنم
حتى أصحاب البهائم ينظفون أماكنهن أحسن من ذولا ,,
هي حلوه ومتنفس لأهل بريده لكنها تفشل ,,
شفت كذا مهرجان تسوق بكذا منطقه وربي انها على مستوى عالي من النظافه
ما اقول عنيزه لأجل مايجي واحد مدحدر ويقول انت تسوقين لعنيزه ومدري وش بعد
لكن شفت تسوق ينبع وربي انها غير نظافه وترتيب ..
ماراح أتكلم عنها كبضاعه أو شي لأنه طرح أكثر من موضوع
لكن النظافه مين مسؤل عنها
بصور وماقدرت ,, وش أصور وش أخلي
اللي ورا الكشكات من جهه الساحه الخارجيه ولا مرمى للنفايات..
ماشفت ولا برميل وانتم بكرامه ,,
أتمنى من المسؤلين يهتمون أكثر فينا ترانا بشر مو فلوسنا أهم منا ’’
يامشرفين تكفون على شاني لاتحذفون الا بعد ماتلقون لنا حل 