[قـــصـــيـــة]

اقتباس ليه حتى الشكوى والفضفضه ممنوعة في أدبياتكم

العفو يااخوي والمعذرة منك لا ممنوعة ولا غيره وليس لي ولا لغيري حق المنع!! فالكل له حريته المحدودة!
لكنك ماذكرته ليس بشكوى ولا فضفضة! وأقرب مايقال عنه أنه عدم رضى وإعتراض قد يكون في غير محلّه!
ولا أرى أي ظلم هنا !! أكرر إعتذاري واسمح لي بتتمّة الحوار : )

اقتباس ما شاء الله على أحسان الضن بأختك ياليت ينال صالح نصيب من هذا

اقتباس وللأنصاف يقول صالح أن زوجته تمتلك عصى سحرية وهي في الدوام تهزها وبقدرة الله يكون كل ماذكرتي جاهزاً بلمح البصر طبعاً ماكانت هذه العصى الا خادمة ملائت أرجاء البيت كئابة وقبح عيش وأنقلاب موازين

زين الخدامة وتتحمّل شغل البيت .. طيّب هل تتحمّل الخدامة الحمل وما يتبعه وهل تتحمّل تربية الأبناء وتدريسهم ووو ؟!
ياليتك تفكّر شوي وتقارن بين عمل الزوجة داخل وخارج البيت وعمل صالح داخل وخارج البيت صدقني ماراح تنفقع مرارتك : )
فهذا سبب ( حرا وبرا ) أنا ضد عمل المرأة لأن الرجل هو المسئول عن الصرف والنفقة لو يشتغل ويكرف الليل والنهار ومايجي إلا ينام !
بعدين حتى لو كانت الخدامة شايلة عنها بعض من شغل البيت من يتكفّل بمسئوليتها وراتبها ويشيل همّها ؟! صالح مثلًا ؟

اقتباس آه من الأنحياز وعدم الأنصاف ليتها تقف عند الجوع يا قصية

آخر من ينحاز مع المرأة قصية فهي تعلم جيدًا ببني جنسها! وإقتباسي كان محدود عند الأكل فقط !
فإذا كان يتسلّف منها لبطنها كما تقول << فأنت هنا ظلمتها !! فهل هي تطلب شراء الطعام لها وحدها ؟ أو لبطونهم جميعًا ؟!
مايقهرني ويفقع مرارتي إلا الرجّال إذا قالت له زوجته: خذ هذي طلبات البيت .. قال: ياكثر طلباتك !!

اقتباس لو ذهب صالح الى صديق أو أخ أو أبن عم يطلب منهم سلفة فهل سيحتقرونه ؟؟

اقتباس يعني نقرب شوي لو جائتك زميلة تطلب سلفة فهل ستحتقرينها؟

ومن قال أن كل من تسلّف سيحتقرونه ؟! أعوذ بالله من غضب الله
أخي الكريم أنت ذكرت أن الزوجة قالت: امسح خشك بس << وقولها هذا دليل على احتقارها لزوجها والتقليل من شأنه وربما كبرياءها عليه !
ولو كان رجل ذو هيبة وكرامة
1/ لم يسمح لها بالعمل !
2/ لم يسمح لنفسه بالتدين منها ولا من أي إمرأة !
3/ لم يسمح لها بقول امسح خشك بس ولا أدنى منها !!

اقتباس أجل هقوتك صرفها على التفهات والخرابيط بسخاء

اقتباس وتركها زوجها يائن تحت قسوة وضروف الحياة المادية الصعبة هذهه ليست مظالم !! بنظرك ( ممكن لو تكرمتي تتركين للمسكين مثقال الذرة حتى)

لا لا لا مستحيل هذا !! فيه رجّال يفكّر بهالطريقة ؟! تدري عاد خذها مني .. هالمسكين يستاهل كل اللي صار له ومايستحق أقل من مثقال الذرة رحمة !!
يااخوي أي يأن من ظروف الحياة وأي صرفها وخرابيطها ..!
ماسمعت الشاعر اللي يقول
تقدّم الدنيا لنا درسـ(ن) جديد بكل يوم :: والناس تسلم من غثا الدنيا بحفظ دروسها
وعلى حسب حفظ المواجيب وتعاليم السلوم :: نعـرف مقاسات البشر بالمرجله ونقوسها
صيت الرجال الوافيه بأفعالها..وإلّا الرخوم :: ينبيك عنها قل نفعتها وشين نفوسها
تطرد ورى الدنيا وتكشـخ بالمواتر والهدوم :: مثل الحريم أغلب دراهمها على ملبوسها
يااخوي صرفها وخربطتها وعدم إهتمامها بظروف زوجها سبق وقلت لك هذا راجع لأخلاقها التافهة !
لكن رجل ومحتاج لحرمه ويتمنّى انها تساعده على الصرف والنفقة بالبيت مصيبة! : ( ياكبرها عند الله
معليش على هالكلمة صالح وأمثاله محتاجين دروس مكثّفة بالرجولة ومعنى الرجولة !

اقتباس يعني تتهمينه بالحسد !

ومين جاب طاري الحسد لا حول ولا قوة إلا بالله !

اقتباس شيء واجب عليه ما ختلفنا ولكن كنت أنتظر منك قليل من الأنصاف والعقلانية

اقتباس بدون تحيز وجوب الشرع شيء مفروغ منه نحن نتكلم هنا بشكل أنساني وقوع الظلم عندما تصرف الزوجها مالها على التفاهات من الأمور وتترك الأساسيات فهذا هو الظلم بعينه قصية أنت و حربي وجهان لعملة واحد كلاكما يناصر بني جنسه بدون أنصاف كنت أتمنى أن تقولي لامانع أن تعين الزوجة زوجها وتعينه على قسوة الحياة

مستحيل أخطي وأقول يازوجة ساعدي زوجك ولو بريـال واحد! : )
إلا إذا عرفت بدقة تفاصيل حياة زوجها وهل زوجها من النوع عزيزيّ النفس والمترفعين عن المذلّة وخصوصًا مذلّة مال النساء !