|
[] .. مايولد من الناس متعلّم ! .. []
أشفقت عليها عندما قالت: سألوني حمولتي وش ماركة ساعتك وقلت مدري وبدوا يتهامسون والضحكة مكتومة!
فشلت حسيت اني ولا شي بينهم
قلت ياحبيبتي لا تفشلين ولا يهمك أحد والمثل يقول مايولد من الناس متعلّم .....
واللي يقهر أن البعض يكذب عشان يعني اني أعرف هالشي ! ومايكون جاهل عندهم !
ايه ليش عاد أكسب ذنوب ؟؟؟ عشان ما يقولون يحول ماتعرف !!
خلهم يقولون وخليهم يضحكون وبعدين أبدخل النار مثلا ؟!!!
تراهم قبل هم ماكانوا يعرفون وسألوا وعرفوا يعني مثلك كانوا جاهلين !
هذا مايعرف استخدام الجهاز الفلاني وذاك مايعرف ماركات الملابس وهذي ماتعرف اي شي عن البلاك بيري
وذي يسولفون بأسماء وجبات وظنتها أسماء محلات
عادي مافيها شي لا تحسون أنكم أقل من الناس طالما أنكم تعرفون الاشياء المهمة بدينكم ودنياكم الحمدلله
أما غيرها أشياء تافهة ومب ضرورية أتعلمها لأنها ماراح تزيد رصيد حسناتي! ولو تعلمت بالصدفة
أو سألت الحمدلله أكتسبت معومة عشان أعلمها غيري وبدون ما أضحك عليه !
وإذا قالوا لك ماتعرف؟ بلهجة ساخرة! قول ايه مثلكم قبل! : )
__________________
لا يتوقف الناس عن اللعب لأنهم كبروا ، بل يكبرون لأنهم توقفوا عن اللعب . أوليفر
|