السلام عليكم جميعاً
أخوي أنا طالب إنتقلت لثالث ثانوي بثانوية ولي العهد ودرست أولى وثاني ثانوي بولي العهد اللي تطبق نظام المقررات
شف حبيبي النظام بإختصار مريح جداً جداً للي بيجتهد وصعب للي بيتكاسل
نظام المقررات سبع مواد لكل فصل دراسي
مثلاً أخذت بالفصل الدراسي الأول : رياضيات وفيزياء وأحياء ومهارات حياتيه وقرآن وإنجليزي وعربي
الفصل الدراسي الثاني تتغير ثلاث مواد من اللي أخذتهن بالفصل الأول
اللي يبقى المواد الرئيسية : إنجليزي ورياضيات وعربي وأحياء
,,
حنا مثل ما قلتلك سبع مواد للفصل الدراسي الواحد
خمس مواد من هالسبع صفحاتهن يتجاوزن 200 صفحه
وفيه كتاب يوصل لثلاث ميه وأربعين صفحه
لذلك هي مسألة جد وإجتهاد
أنت خذ 200 صفحه كل كتاب أزين من تأخذ 17 ماده بالنظام العادي
كان تبي نصيحتي توكل على الله وأدخل هالنظام لكن حط برأسك ترا المعدل التراكمي يبدأ من أولى ثانوي بعكس النظام العادي اللي يبدأ بثاني ,,
حبيب قلبي أتمنى كفيت ووفيت بالشرح البسيط هذا
وأمانه أي شيء تحتاجه أو ودك تسأل عنه تواصل معي بالخاص عشان أعطيك رقم جوالي
( ولا تنسونن من دعواتكم تراي بحاجه )