[بنت بلادن]

اقتباس المشاركة الأساسية كتبها mnoooool صراحه معناة مع بنك الراجحي فرع الصفراء ماعمري رحت له وانجزوا شغلي بنفس اليوم لازم اتردد عليهم كذا يوم حتى ينجزونه حتى التمويل والي رازين لوحه وش كبره خلال نصف ساعة احصل على تمويلك خراط بخراط تنتظر لليوم الثاني حتى تجي الموافقة اخر تعاملي معهم وقت تجديد البطاقة بعد ما انتهت والله يا أنا عانيت معاناه معهم استحيت من مديرتي من كثر الاستئذان بدري عشان اروح البنك واصف طابور من الساعه 10 ونص للساعة 2 ومايجي دوري وباقي قدامي عشر طعش وحده رقمي 27 ومن الساعة عشر ونص ماتحرك الا 9 فقط يعني باقي 17 وحده قبلي !! وعلى نفس الموال اليوم الثاني استئذن من المديرة وطوالي للبنك ورقمي لليوم الي قبله يلغى واصف طابور من جديده والله بدون مبالغه طقت كبدي وتبهذلت منهم بس موظفه وحده هي الي كارفه والباقيات مريحات يعني وحده هي الي تطلع البطاقات وحق حافز والي تبي تفتح حساب وبعد ما استنفذت استئذاناتي من المدرسة قررت ادخل عالمديرة تشوف لي حل قلت لي انتظري مثل العالم قلت لها طيب انا موظفه مو كل بستأذن وليش ماتحطون رقمي لليوم الي قبله بالاعتبار عشان انجز شغلي ما تعاونت معي ابد وقالت انتظري مثل الباقي واليوم الي قبله تلغى ارقامة غير اجهزتهم الخربانه والسستم الي كل يوم عطلان وجهاز بطاقات الي عطلان دائما باكثر فروعهم ويحولون العملاء عالصفراء

الموظفة حالتها حاله مع البنك ؟ مثلما قلتي لا مراعاة لظروفها وارتباطها بوظيفة حكومية !

البنك لم يفعل خدمة التواصل مع العملاء بالرسائل الا الرسائل المدفوعة الرسوم فقط

لا ادري لم يصر البنك على اغفال اهمية الرسائل لخدمة العميل وتسهيل بعض اموره

نسف التعامل التكنلوجي مع العملاء يهبط به للحضيض ،

اما عطل السستم ابدلنا الله خيرا منه وجمعنا بغيره على بركة عاجلة

فحدث كما الحراج عنه لا حرج عليك ! انا كعميل وش يعرفني بالسستم ؟

الاكثر خرابه الله يهديه جهاز مشاغب يمكن عشانه وحيد ؟ الله يجيب له اخوه !

اختي

وصيتي لكي ان فكرت اتروحين لغزوووة البنك ' خوذي سجادة وماء مثلج وان

بغيتي الاجر كثري من الماء البارد وكبري السجادة وغيبي عن الدوام من بكرة لان

راسك صاكك وضغطك واصل الاتش ؟

اشكر لك سطورك الصادقة واعانكن الله على مشاوير الدوام والبنك

دمتي بالف ود ياغالية