|
مرحبا بنات
اعذروني دخولي جدا قليل للمنتدى انتم ابخص بظروف التجهيز...
الله يجزاكم خير كلكم نفره نفره ويوفقكم يااااكريم ,,,
بخصوص الفستان الحمدلله تسهلت اخذت من مشغل جويل رقم مصممة والانسانه جدا ذوق واسعارها ماتتعدى 6 الاف
جبتلها صورة فستان تصميم زهير مراد يطلع بعد 20 يوم ياااااااااااااااااااارب ستتتتترك يارب يطلع حلو
لانو المره ورتني صور شغلها جدا حلو ,,,
وشي ثاني ..
امس كنت ببريده وحجزت برنامج عروس عند الدكتور عبدالله المسعود ؟؟ وش رايكم زين؟؟ لانو بصراحه ماعندي استعداد احط 3000 الاف بمشغل عشاان حمام مغربي وفتله ومدري ايش
احط الثلاثه الاف باشياء طبيه ومفعوله يطول معي ؟؟
بنات بفيدكم بشي
العطووووووووووور لاتشرونه من المولات والمحلات ذي
حنا بزواج اختي وبزواجي تدرون من وين شرينا ؟؟؟
من شارع السويلم بالرياض هو اللي يمول كل المحلات واسعاره جدا مناسبه والعطور بعد خياليه وتركيزه حلو ,,
والكوشة والممر والستيج اخذته من محل مناسبات كلها كلفتني خمس الاف مع باب للمر شي حلو لاني لقيته بعنيزه بفانتوم وليلاس ب10 الاف بدون كوشه
وبنصحكم عن محل دفادف بناااات توهقت يوم شبكتي حجزت كوشة بالفين وخمس ميه يوم الشبكة انصدمت مو بالكوشه اللي حجزته
رحنا له ثاني يوم انا واخوي على انو نبي نشوف الكوش وشفت الكوشه الي جابه بالشبكه سالناه عن سعره قال بالف ريال
قلنا طيب ورنا صور ثانية ووراني صورة الكوشه اللي اخترته قلنا بكم تسوي ذي قال هذي موتوفره طبعاااااا يقهر المصري متى مابغى صار صادق وامين معك ومتى مابغى لعب بحسبتك وانتي باصعب اللحظات ماتقدرين تتكلمين ..
بنات اللي زواجها بشهر 11 او 12 لاتجهز الحين برمضان توقف لاتشري شي لانو هذا موسمهم والاسعار غاليه مرره
لقيت بلوزه عند نيولوك ب99 قبل رمضان الحين ب125 شوفو التلاعب بالاسعار بعد العيد صدقوني الاسعار بترجع زي ماكانت
واللي تبي فستان زفاف للايجار او البيع تخبرني عندي حق اختي جداااا فخم والله يوفقكم واللي اقدر عليه ان شاء الله بفيدكم
الله يوفقكم ياعرايسنا الحلوات ..’
|