[O X Y G E N]

-
الحلاقة دقن بعشرة والشعر بعشرة يعني 20 ريال .. هذا الي يحلقون العالم من زمان ومن بعد قرارات البلدية الي تتوفر الأغراض مغلفة عند الحلاق .. وهي : ( كيس + موس يستخدم لمرة وحدة + مشط ) ..

يعني بعشرين ريال لدقن وشعر نقول شي معقول .. بعد مانبغى نكون بخيلين ويجب أن نقيس الأشياء بعقل .. لأن الحلاق يشتري هالأشياء ويوفرها لمرة وحدة .. يعني نقول يشتري الكيس والاغراض بالجملة تطلع الحبة بـ3 ريال .. واستخدامها لمرة وحدة .. هذا إذا كانت بهالسعر ممكن فوق .. تبيه يحلقك بريالين !!!!!!!

يشتغل بيدينه ويكرف ويستخدم ماء وكهرب ( اذا معك مكاين ) ويحط كريمات بعد الحلاقة ولاتنسى الجل والمناديل .. بريالين .. ماتبي شوي توت بعد ..!!

يعني الواحد يقيس الأشياء بعقل .. اوكي كانت بخمسة قبل سنوات بعد الببسي كان بريال قبل سنتين .. وشماغ البسام كان بـ 75 ريال الأصلي الانجليزي مهب التقليد .. والخبز يقولون الـ 8 بريال .. الآن تغير الوضع والريال ماصار له أهمية وأشياء كثيرة ارتفعت ايجارات مواد عمالة ..إلخ ..

بعض الناس يبي كل شي يبقى كما هو .. حتى بعد مية سنة لازم تصير الحلاقة بـ 5 .. واذا صرت تعرف واحد يحلق بخمسة .. هذا تلقاه توه متعلم .. ولا الي يحلقون عنده من فئة ( أقل من متوسطة ) يعني المحل خرابه والمكاين قديمة والموقع لك عليه .. بالعربي يدورون الرخيص .. انت تدور الرخيص موجودين كثير .. بس لاتنسى تستعجل وانت تحلق لأن البنقالي الي ينتظر يبي يحلق بعدك عنده تركيب سخانة بأحد البيوت ..




-