[O X Y G E N]

أول شي أسويه .. أحذف الأوسمة والألقاب والخرابيط الي طايحين فيها هاليومين تحت اليوزر مثل مميز وكاتب مميز والأوسمة وخصوصاً وسامك هه مدري كأنك مبسوط من وسام الخروف الي انت حاطه وهو يفشل صراحة ، لأن الناس تحط أوسمة لمقال لموضوع .. مهب خرفان .. وترى جنبي واحد من العيال يقول أسئله على كم الضحايا هالسنة ..

ثانياً .. أقشع سواليف كشكولية ورصيف الكشكول .. ديليت نهائي .. وأي شخص يفتح موضوع ويطالب بتواجده .. ألصق عليه وسام على شكل صورة : رضاعة وجنبها تصميم قوطي حليب أس 26 حديثي الولادة .. ملاحظة : مع حذف بعض زوار هالقسمين ثقيلين الطينة والي مواضيعهم ( يحط صورة ) ويعلق عليها .. يعني يلعب على نفسه ..

ثالثا : تعديل الفقرة ( خامساً ) من المادة 14 التي تنص على : أنه في حال مشاركتك بموضوع أنثى يلزم عدم وضع أي ( ايقونة من الأبتسامات ) .. تعديلها إلى : ( عدم مشاركة الذكر نهائياً ) .. السبب بأنه : يانشارك ونقول كل شيء ولا مانشارك من الأساس ..

رابعاً وأخيراً .. أحطك مشرف بقسم .. استعلامات بريدة .. نظراً لانك تلمح واجد وتحتك وتمازح المشرفين وتقط الميانة معهم فأنا فهمتك وأنا زاير .. وتكون .. تحت التجربة .. وأحذفك إذا شفتك تساعد الأنثى أكثر من الذكر .. وطريقة التقييم : راح تكون اذا كثرة مشاركاتك بمواضيع الأنثى وحرصك على وصول المعلومة لها أكثر من الذكر .. بمعنى تنزل لها روابط ومواقع وأرقام .. بينما تكتب للذكر .. للرفـــع ..

--