[O X Y G E N]

طبعا للتوضيح .. الحالة الي تمرين فيها .. حالة طبيعية جداً .. وهي مجرد قلق بسيط .. ويسمونها بعلم النفس .. التفكير المستقبلي الذي يجلب أسوء الإحتمالات ..

بمعنى أنك جالسه تفكرين بأشياء مستقبلية مابعد صارت ولكن بتفكير سلبي يعني تفكرين إذا ضعتي ماتفكرين أنك مو ضايعه ..

أكيد لما تجيك هالحالة تحسين : أطراف يدينك تبرد .. وازدياد دقات القلب .. وازدياد العرق .. وتحسين بتعب وارهاق وخوف ..

على فكرة هالأشياء موجودة عند الكثير واسئلي البنات الي توهم متزوجات وأول ليلة كيف كان الخوف والأحاسيس ..

وأنتي صارت معاك بناءاً على ايام الطفولة واللحظة الي ضعتي فيها ، فدايركت العقل أضافها ضمن القائمة السوداء ..

الحل :

الموضوع كله يحتاج إلى تعديل أفكار فقط لاغير ومواجهه .. وأنتي عارفه أنك على خطأ بس تتغير افكارك وتجيك هالحالة اذا صرتي بالأمر الواقع أحياناً وخصوصاً إذا تذكرتي وانتبهتي .. مثال على ذلك : تحصلين أخوك ينزل من السيارة وانتي ناسيه الموضوع فجأة تذكرتي .. تقولين يؤؤ تروحين تركضين وراه بس لأنك تذكرتي .. إذا هذا دليل على أنه ممكن تنسينه إذا مافكرتي فيه ..

على فكرة ، ترى الحالات هذي كثيرة .. فيه بعضهم يخاف من الإرتفاعات وفيه من الخدامات وفيه من السيارات اذا سوا حادث وفيه من الإختبارات وفيه بعضهم من الصراصير ماسمعتي المسرحية الي تقول ( ياي دنا بخاف من السورسار هه ) حتى هتلر الي يفكر يملك العالم كان يخاف من : الأماكن المغلقه .. والخوف هذا يروح إذا تجاوزتي المشكلة يعني اذا صار معك أحد .. وهالشي اذا جاك طبعا تحسين انه بيستمر معاك طول العمر .. فهذا طبيعي بس ماعليك ماراح يستمر اذا عدلتي الأفكار .. ويمكن تأجلين أكثر من مرة لسبب إنه كل ماجت روحة مكة قلتي يؤؤ يمكن تشوفين غرفتك وتقولين خلاص ماراح ارجع لك << مثال .. يعني كانك رايحه للموت مو رايحه تحجين وترجعين هه ..

أخيراً ..

إذا تبغين هذا الشي يروح فكري بتفكير سليم يعني كل شي مكتوب بهالدنيا بيجي تضيعين ولاتتغبين مع اخوك يبي يصير يبي يصير المكتوب .. الشي الثاني .. تفائلي بالخير .. وحطي لك أمال بأنه اذا سافرتي يوم الأثنين مثلاً أنه ماراح يجي السبت الا أنك بالبيت .. حاولي بقدر ماتستطعين تشغلين نفسك إذا جتك هالأفكار .. جوال وبرامج .. على فكرة راح يحسسونك فيها لأن الي حولك تعودو أنك خايفه من هالشغلة فلايهمونك حسسيهم أنك غير مهتمة مثلاً اذا أحد صوت وقال يافلانة موجودة وزي كذا لاتقعد تضيع حاولي تردين بثقة .. حاولي تثبتين ثقتك بنفسك وعند الجميع وتروحين للمكان بلحالك .. بس طبعأً الاماكن الي يكون فيها البنات .. مثل الأسواق نزل أخوك مالها داعي تلحقينه فيه شي بترجعينه بالسوق روحي بلحالك .. اطلبي منهم يجلسون وروحي .. وأخيراً أخيراً اخيراً .. لاتعطي الشي أكبر من حجمه عشان ماياخذ من حياتك أكبر من حجمه .. وهالشي طبيعي جداً جداً جداً فلاتحطينه أحد همومك ..