[قصيمي رحال]

اقتباس المشاركة الأساسية كتبها (<*أبولجين*>) مدري متى يفك لساني هناك علشان أسولف معهم عن طلعات البر والوناسه <<< والله مادريو عنك وعن برانك :D

تنسيييييييييييم
قصمنجي صح
ماتخلي هالطبع . . . تعجبني
المشكلة أخاف كل شيء أخضر مافيه رمل !!
وش رايك تاخذ شحنة من الطرفية وتبيعة يمكن تكسب . . . .
.
.
ذكّرتني بواحد قصمنجي بأمريكا واشتهى ذبيحة - ملّ من التشيكن برجر - سأل عن مكان البيع وراح له
اشترى له طلي :D بيذبحونه كالعادة ، قال لهم أبغاه حيّ ، الرجال بيركبه بالشنطه قالوا لا وين حقوق الحيوان ؟
ركبه قدام :D <---- هذولا هم راكبين عاد هالخروف مستانس ،
بيمشي الرجال قالوا لازم تربط حزام الأمان
رابط حزام الأمان ويمشون للبيت ويذبحه بالحمام رقعه عاد !!!

اقتباس المشاركة الأساسية كتبها (<*أبولجين*>) وش رايك تخاويني ما دمت رحال

والله خوّتك تنشرى بالذهب

والقصيمي الرحال . . مايبي تلزيم بالسفر - على ما قال مدحت : مايقعد أبد -

والموضوع في بالي . . ولكن ليس هناك ضرورة وظيفية له
فلدي ما يعبر الحال للدعوة أو للسفر وأتعامل بالبيع والشراء ولا مشكلة
قد تكون انجليزيتي بسيطة ولكنها تعبّر الحال
وكل ما تعلمت منها تبيّن أن الباقي أكثر !!

لعلك تستضيفنا في نيوزلندا
وقل للنيوزلنديين : يبي يجي واحد قصمنجي يحب الكشتات وجمر الغضا
خلهم يولّمون لي المفاطيح من هالحين . . لايشترونها في الضحية تراها غالية
يشترونها رابع يوم أو خامس
ولايهون البخور والدلّة البغدادية


الله يحفظك في حلّك وترحالك






أخوك

قصيمي رحال . . وخليني عالبال