اسمعي اختي بقولتس كلمه ولكل الخوات المسلمات
الحين انتي عادي عندتس ان اخوتس يضحك مع بنت قدامتس
يمكن عادي
بس ترا اخو البنت اللي يضحك معها اخوتس ماهو راضي
يعني عيب يوم اقول اختي الكريمه اختي الفاضله وانا جالس اضحك معتس
عيب
وين الاخوه اذا انا ارضى لتس اللي مارضاه على اختي
شوفي بقولتس شغله اي واحد بالمنتدى يضحك مع بنات ترا اغلبهم بنسبة
99% ما يرضون الشي هذا على خواتهم
بس عادي بنات الناس عادي اضحك معها سولف معها انبسط معها عادي عادي
ايزي مافيش مشكله
بس اخته لا معصي مرض
اكيد كلامي يمكن زعلك واوجعك
بس ترا الطبيب الله يسلمتس يوم يجبر يد المريض ما يشاور المريض يقول هاوه اوجعتك ابو الدحمي؟
لا تحصلون ابو الدحمي يرفس من الوجع والطبيب ماطق له خبر
ليش؟
لان الطبيب يبغى مصلحة ابو الدحمي
اقولكم حاجه بسيطه
انا راضي على نفسي بردي هذا
احس اني اول مره اكون منصف وامين بكلامي
والله يجزاتس خير وخواتنا المسلمات يجزاهن خير واخواننا المسلمين يجزاهم خير
واللي يضحكون مع البنات الله يهديهم