[رباه فرجك]

وراكم عليها شكت لكم تطلب منكم العون وجبتوا طبلونكم
وإذا مشكلتها ماتخصنا مايعني نتركها
ان الله في عون العبد ماكان العبد في عون اخيه
بعطيك بعض الاشياء من الممكن تساعدك بإذن الله
حسيت من اسم المعرف انك تعانين ضيق اسأل الله ان يرد لك فرحتك
اولا زيارة الصديقة اتفق معك انها تدخل السرور والفرح على قلبك لذلك من الممكن تزوريها بس توضع ضمن ضوابط
مثلا زوريها مع والدتك او اختك الكبيرة إذا لك اخت كبيرة وعاقلة
او في مكان عام انت وامك واخواتك وهي وامها واخواتها مثل الملاهي او غيرة
وبالنسبة لضرب اخوك لا تصيرين ضعيفه عطيه كف وإذا هو اقوى منك جيبي عصا المكنسه على راسه خليه يعرف قدر نفسه ترى العيال عندنا ماعندهم غير فرد عضلاتهم على خواتهم واهلهم
بس مع اصدقائهم مثل الله يكرمك وما اقول كلهم بس اغلبهم ولا تقولين اهلي يزعلون المفروض يدافعون عنك
ومكافأة الجامعة لاتعطين احد إلا امك وما انت ملزومة ترضين احد غير والديك ومن زعل بكيفه لا يرضى
والعمل بالبيت اشتغلي بمساعدت امك واحتسبيه من البر وغير امك مثل اخوتك او غيره لا تخدمينه كل واحد يخدم نفسه ولا يقعد
الرسول صلى الله عليه وسلم كان يخدم نفسه وهذولا يتناسون الي عليهم
وبالنسبة للزواج من حقك تقولين رأيك لو تلميح إذا انت تستحين تصرحين
والتأخير إذا هو ابوك اصبري عليه " ولا تقل لهما أف ولا تنهرهما "
وإذا هو اخوك تفاهمي معه
اتمنى وفقت لمساعدتك والله يفرج لك حاسة فيك وما تعانين منه
وإذا تحتاجين شيء انا حاضرة