[ياهاجسي]

آآآآآآآآآآآه ياقلبي حرآآآآآم عليك ياأستاذ صالح رجعتني أكثر من ٢٠ سنة ورآآآآآآ طبعا عمري 26 بس زمن والله..
كل شيء ممكن أنساه إلا إبتدائية ابن جرير..
أولا: مدرسة خرجت أجيال من عام 1389هـ..
ثانيا: فيه ميزة عجيبه بهالمدرسة سبحان الله من يجي مدرس لها يتقاعد فيها..
وجميع المدرسين يأتون من أحياء بعيده حبا فيها ( حتى عبدالرزاق ماتغير)..
طبعاً والنعم بالجميع بس من ينسى الأستاذ: صالح الوشمي رحمه الله..والأستاذ: رشيد الخلف..
والأساتذة: علي الفلاج ودهش التويجري رحمه الله والطريقي والعبيدي ومحمد العرعور رحمه الله وعبدالله الصعب وفيصل العيد وعبدالعزيز السمحان ومحمد الفقير وعبدالله الحسين وصالح الشبرمي وعبدالله الباحوث ومحمد العتيبي وصالح الحصيص والبراك ومحمد الحسون وعبدالله السلامة والعتب على النسيان إن كاننا نسينا أحد..
طبعاً ياأستاذ صالح أنت والوكيل مايحضرني اسمه يمكن الكبير جيتوا بالسنة اللي تخرجت من المدرسة يمكن 1418هـ وماهي سهله 15 سنه من العطاء غير اللي قدمتوه بالمدارس السابقه..
ثالثا: والله كل بقعة بهالمدرسة لي فيها ذكرى ياناس والله الصور توجع ماودي أخرب موضوع فرحة عيد بس قولولي وشلون أسلى وأنا أتذكر فقدان هالناس إما بالموت أو بهالدنيا الله يخارجنا منها ع الحق والله يجمع شملنا بالفردوس الأعلى من الجنة..
رابعا: هالنخبة لهم الفضل علي بعد الله فوالله كل ماوصلت له من تعليم كان قبوله وفهمه يرتكز بعد توفيق الله على ماتأسسنا عليه لله الحمد والمنة أنا أعمل أكاديمي في إحدى الجامعات ومبتعث لدراسة الماجستير والدكتوراه في أمريكا وأنا أكتب ماأشعر به من هناك وكما أسأل الله أن يرجعنا لأهلنا سالمين أسأله أن يرزقنا الزيارة لهذا الصرح والذي لم أقطع الزيارة عنه ولو أنها كل سنتين أو ثلاث ولكن القادم خير بإذن الله..
خامساً: أشكر كل من ساهم في هذه المناسبة من تنظيم وإدارة وإعداد ونقل للحدث ولاتحرمونا من جديدكم وأمانة سلامي يوصل للجميع وترى عمي غنام وأخواني (طلابك) يوصلون لك السلام..

تلميذكم: عبدالرحمن بن أحمد بن محمد البليهي..