يا عبدالله ...
ترى بنقولك شي بس لا تزعل مني ومن عبدالعزيز ...
عبدالله : وش السالفة .؟
عبدالرحمن : تعرف إني أنا وعبدالعزيز تخرجنا وخذنا لغة إنجليزية ..
عبدالله : طيب .؟
عبدالرحمن : إيه عاد بنسافر لأمريكا أنا وياه ونبي ناخذ لنا ثلاث شهور ونرجع إن شاء الله ..
عبدالله : أقول أها بس لا تقعد تسذب علينا
عبدالرحمن : لا والله جد تراني ما أمزح .!
عبدالله : صادق والله .؟؟؟؟ 
يعني كل هالسنين ما نفترق أبد .. بالخير والشر .. وتجي اليوم تقولي بنترك لحالك .؟؟؟؟؟؟؟ 
عبدالرحمن : والله يا عبدالله عارف هالشي ... بس الشكوى لله .. هذي الدراسة وأنت عارف إننا نبي شهادة لغة .. وترى كلها ثلاث شهور بس ...
عبدالله : أقول ... تدري !!!! 
وش رايك أخاويكم .؟ 
عبدالرحمن : تستهبل .؟؟؟؟؟؟؟
الحين أنت أهرج عربي بعدين أهرج إنجليزي ...
عبدالله : لا تخاف ما نيب متعديكم
عبدالرحمن : والله إسمحلي يا عبدالله ما نقدر ... هذي امريكا مهب الرياض تروح وتجي وأنت مرتاح ...
عبدالله : ولو ولو
==================
بعد الطق والطقيق
==================
عبدالرحمن : هاه يا عبدالله تجهزت ,؟
عبدالله : ايه تقضيت .. بس وشلون ألبس هالملابس اللي شريتوها لي .؟ :D
عبدالرحمن : الله يعين بس هذي بدايته ... لا تخاف بنعلمك ..
=================
وصلوا لأمريكا
=================
عبدالرحمن : وش رايكم بهالفندق الزين .؟
طويل وواضح <<<
يغدي عبدالله ما يضيعه لو طلع يتفرج
عبدالرحمن : يالله يا شباب النوم النوم ... عقب هالسفر ما نبي إلا النوم ...
عبدالله : طيب ميخالف بس شوي بنزل للبقالة وأجي 
عبدالرحمن : تكفى يا عبدالله .. قل ( سوبر ماركت )
..
حاول تتعلم لو شوي لا تفشلنا
عبدالله : طيب طيب ..
عبدالرحمن : بعدين تعال ... وين أصبر أخاف تضيع .!!
عبدالله : تستهبل أنت وخشتك .؟ 
فيه أحد يضيع هالعمارة .؟ 
عبدالرحمن : والله مدري عنك .. تراك ما تعرف ولا تطلب ببسي من القهر ... تكفى لا تروح ..
عبدالله : لا تخاف منيب أصغر منك علشان تنصحن 
=========
نزل عبدالله تحت الفندق
=========
عبدالله : أوووووه وش ذا ...
هذا خط البلده حقهم .؟ 
<<<<
يسمع :D
عبدالله : والله فكرة ... أركب فيه واتمشى لين يرجع مكانه ... ما يمديهم يقومون إلا وأنا راجع <<<
يحسبه مثلنا ( الروضة - البطحاء - الروضة )
==========
خربها وركب هالدرج
وجلس في المرتبه الأخيرة يتفرج على اللي راح واللي يجي وعلى الديرة
بس بدا يربص
==========
عبدالله : وش بلاه ما رجع لعمارتنا .؟
راحت ساعة ولا رجع 
الله يستر
==========
مضت أكثر من 6 ساعات
والسواق كل شوي يناظره ويقول في نفسه ( وين بيروح ذا )
وإنتهى فترة السواق ... وجاء الليل وبيطلع عن الديرة بيروح للشركة علشان يوقف الباص
==========
السواق ( بالإنجليزي ) : إنزل
عبدالله ( ما فهمه بس حس إنه يقوله إنزل من الإشارات ) : ما نيب
السوااق ( تورط به ما يفهم ) : أنا أوريك
===========
طلع السواق من المدينة وراح للشركة ووقف الباص ونزل بعد ما طفاه :D
وعبدالله عرف إن الله حق ونزل ..
وبدأت رحلة المعانات المضحكة
============
عبدالله : ياربيييييييه 
ويني وين الديرة ...
وشلون أرجع للفندق ...
ليتني نمت
=============
وصار كل شوي يأشر للناس ولا أحد يوقف له .. خاصة إنه بالليل ...
ويوم مر عليه ليموزين ( السيارة الفارهه )
وفتح الدريشة وشاف السواق ولاه عبد ( وكلنا عبيد لله )
==============
عبدالله : وش اللي ورطني
العبد : أركب ( كلام + إشارة ) <<< علشان يفهم :D
عبدالله : يمه
يالله الشكوى لله ...
==============
ركب عبدالله ويوم مشى ويسمع صوت البنت اللي ورى .!!!!!!!
==============
نكمل القصة باتسر إن كانا من الحيين
(
مع العلم .. أن القصة حقيقية وتفصيلها إجتهاد مني أنا
وأيضا الأسماء من عندي أنا)
فانتظرونا
محبكم في الله
أبولجين